Буулдьанан ытыыга дойду чөмпүйэнээтигэр Евдокия Каторгина иккис боруонса мэтээлгэ тигистэ

Буулдьанан ытыыга Арассыыйа чөмпүйэнээтигэр Саха сүүмэрдэммит хамаандатын лидера Евдокия Каторгина иккис төгүлүн ситиһиилэннэ. Кини «пневматический бэстилиэт — 60» эрчиллиигэ кыттан бары кыттааччылартан үһүс миэстэни ылла.

Быйыл Татарстаҥҥа мөлтөхтүк истэр спортсменнар ортолоругар буулдьанан ытыыга дойду чөмпүйэнээтэ уонна первенствотын күрэхтэһиилэрэ ыытыллаллар. Саха сирин сүүмэрдэммит хамаандатын састаабыгар Евдокия Каторгина, Мария Егорова уонна Эвелина Христофорова кытталлар. Бу иннинэ үс спортсмен араас эрчиллиилэргэ боруонса мэтээллэринэн наҕараадаламмыттара.

Саха сирин хамаандата буулдьанан ытыыга Арассыыйа чөмпүйэнээтигэр уонна первенствотыгар үс боруонса мэтээли ылла