Буулдьаттан бааһырыы, болкуонтан сууллуу

Ааспыт сууккаҕа Саха сиригэр 5  буруйу оҥоруу тахсыбыт. Манан процессуальнай бэрэбиэркэни ыытыыны уонна холуобунай дьыалалары чинчийиини СӨ Борокуратууратын уорганнара хонтуруолга туталлар.

Дьокуускай куоракка биир маҕаһыынтан  «Айфон 15» суотабай төлөпүөнү ону таһынан  «Макбугу», кыһыл көмүс оҥоһуктары, харчыны уордулар. Уорбаланааччы ким буолара быһаарылынна.

Киин куорат олохтооҕуттан түөкүттэр албыннаан  74 630 солк. уордулар.

Дьокуускайга 1988 с.т.   эр киһи буулдьаттан бааһыран госпитализацияланна.  Буруйдаах ким буолара билиннэ.

Труд уул. баар оҕуруот аһын ыскылаата умайда. Уопсайа 1200 кв.м. хоруобуйа (кровля) уокка былдьанна. Ким да эмсэҕэлээбэтэ.

Куоракка Ярославскай уулуссаҕа баар дьиэттэн,  бастакы этээс болкуонуттан 1975 с.т. дьахтар сууллан, эчэйиини ылан балыыһаҕа киирдэ.

Ытык Күөлтэн 5 км Мойуона диэн сиртэн 2002 с.т. эр киһи эчэйиини ылан балыыһаланна.  Эр киһи  парашютунан ыстаныыга эрчиллэ сылдьан эчэйиини ылбыт.