Байыастарга тыа хаһаайыстыбатынан дьарыктанарга кыах биэрдилэр
Дойду Бырабыыталыстыбата байыаннай дьайыы бэтэрээннэригэр уонна кыттааччыларыгар анаан тыа хаһаайыстыбатын сайыннарыыга граннары биэрэр «Агромотиватор» бырагырааманы үлэлэттэ.
Премьер-миниистир Михаил Мишустин 2024 сыл ахсынньытыгар илии баттаабыт уурааҕа бу сыл тохсунньу 1 күнүттэн күүһүгэр киирэн байыастары өйөөһүҥҥэ туһуланар.
«Байыаннай дьайыы бэтэрээннэрэ уонна кыттааччылара саппааска босхолонон тыа хаһаайыстыбатын сайыннарыыга грант ылыахтарын сөп. Дойду Бырабыыталыстыбата туһааннаах уурааҕар илии баттаммыта уонна бу сыл тохсунньу 1 күнүттэн күүһүгэр киирдэ», — диэн 2020 сылга үлэҕэ киирбит Россельхозбаан «Свое Фермерство» бырайыагын официальнай саайтыгар иһитиннэрии таҕыста.
Бу грант чэрчитинэн бэтэрээннэр агробизнестарыгар үбүнэн-харчынан көмөлөһүөхтэрин сөп: сүөһүнү иитиигэ — 7 мөл. солк. тиийэ уонна атын хайысхаларга — 5 мөл. солк. диэри үп-харчы көрүллэр. Үбүлээһин федеральнай бүддьүөттэн эрэгийиэннээҕи бүддьүөккэ киирэр.
Сообщить об опечатке
Текст, который будет отправлен нашим редакторам: