Салгыы
Быар ыарыытын сэрэтии нэдиэлэтэ саҕаланна

Быар ыарыытын сэрэтии нэдиэлэтэ саҕаланна

26.07.2023, 12:00
Хаартыска: СӨ Доруобуйа харыстабылын министиэристибэтэ
Бөлөххө киир:

От ыйын 24-30 күннэригэр дойдуга  Быар ыарыытын сэрэтии нэдиэлэтэ ыытыллар. Бу тэрээһин  от ыйын 28 күнүгэр бэлиэтэнэр Быар ыарыытын  утары охсуһуу Бүтүн аан дойдутааҕы күнүгэр ананар.

Быар ыарыытын  утары охсуһуу Бүтүн аан дойдутааҕы күнэ   бу кутталлаах ыарыы кыһалҕаларыгар уопсастыба  болҕомтотун тардарга аналлаах. Быар ыарыыта араас сыыстарыыга, бэл, өлүүгэ тиэрдиэн сөптөөҕүнэн,  ыарыыны сэрэтии уонна бу уорганы куруук бэрэбиэркэлэнэ сылдьыы наадатын туһунан нэһилиэнньэҕэ иһитиннэрии улахан суолталаах.

Ыарыы  төрүөтэ —  үксүгэр хаанынан бэриллэр инфекциялар эбэтэр тус гигиенаны тутуспат буолуу. Ол иһин СӨ Доруобуйа харыстабылын министиэристибэтэ  хас биирдии киһи доруобуйатын харыстыырыгар, тус гигиенаны уонна чөл олоҕу тутуһарыгар, мэдиссиинискэй чинчийиигэ тиһигин быспакка сылдьарыгар ыҥырар.

Быар үлэтэ кэһилиннэҕинэ, маннык сибикилэр биллэллэр:

Айаххар аһыы биллэр, хотуолуугун, кэҕэрдэҕин, түргэнник сылайаҕын,  тыҥырахтарыҥ араҥаларга арахсаллар, баттаҕыҥ болоорхой өҥнөнөр эбэтэр түһэр, тилэхтэриҥ кубархай кыһыл өҥнөнөллөр, тириигэр тымырдарыҥ “сулус” курдук буолаллар, тирииҥ уонна салыҥнаах бүрүөҥ  саһарар, тирииҥ кыһыйар, бытархай көҕөрүүлэр баар буолаллар.

Ыарыыны сэрэтэр туһугар ыйааһыҥҥын хонтуруолланыаххын наада, тоҕо диэтэххэ, сыа быар килиэккэлэригэр мунньуллар. Уойуу кэлин циррозка тириэрдиэн сөп.

Эмчиттэр быраас ыйыыта-кэрдиитэ  суох атын эмтээх препараттары туһаммаккытыгар сүбэлииллэр. Тоҕо диэтэххэ, эмкэ ноҕурууска  “эмп гепатита” сайдарыгар тириэрдиэн сөп. Арыгыны иһэртэн, билбэт киһилиин эр киһи уонна дьахтар сыһыаныгар киирэртэн туттунуллар.

Ыарыыны сэрэтии саамай көдьүүстээх ньымата – “В” уонна “С”  гепатиттан быһыыны кэмигэр ылыы. “В” гепатиттан быһыы үс түһүмэхтээх: аан бастаан быһыы ылбыт кэнниттэн 1 уонна 6 ыйынан эмиэ ылыллар. Быһыы туһата —  90% үрдүк. Быраас сүбэтэ-амата хайаан да наада.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
27 мая
  • 18°C
  • Ощущается: 17°Влажность: 34% Скорость ветра: 1 м/с

Сообщить об опечатке

Текст, который будет отправлен нашим редакторам: