Хаартыска: Сахагов.ру
Бүддьүөт син биир социальнай хайысхалаах диэн өрөспүүбүлүкэ үпкэ миниистирин эбээһинэһин толорооччу Иван Алексеев «Якутия 24» ханаалга «Актуальное интервью» биэриигэ өрөспүүбүлүкэ сүрүн үп докумуонун туһунан кэпсээтэ.
Кини этэринэн, урут сыллата социальнай эйгэҕэ — доруобуйа харыстабылыгар, үөрэхтээһиҥҥэ, социальнай көмүскэллээх буолууга уонна да атын хайысхаларга 48-49% көрүллэр буоллаҕына, кэлэр сылга бу суума өссө элбэх буолуон, бүддьүөт аҥаарын да куоһарыан сөп.
«Бүддьүөт аҥаара социальнай эйгэҕэ бэриллэр диэн хайысханы уруккуттан тутуһабыт. Оннук да буолуоҕа. Хамнас үрдээһинин кэнниттэн, бүддьүөт аҥаарын да куоһарыа диэн сабаҕалыыбын», — диэн быһаарда Алексеев.
Кини этэринэн, кэлэр сылга хамнас үрдээһинэ өрөспүүбүлүкэ Ил Дарханын 2012 сыллааҕы Ыйааҕар быһаарыллыбыт бүддьүөт үлэһиттэригэр дьайар. Чуолаан, бу 2026 сылга хамнас алын кээмэйэ 20%-тан тахса үрдээһинин кытта сибээстээх буолуоҕа. Бу үрдэтиигэ үп-харчы бүддьүөт бастакы ааҕыытын кэмигэр көрүллүбүтэ.
Санатан эттэххэ, Саха сирин бүддьүөтүн 2026 сыллааҕы уонна 2027-2028 сылларга былаанныыр болдьоххо норуот дьокутааттара атынньы 22 күнүгэр Судаарыстыбаннай Мунньах (Ил Түмэн) пленарнай мунньаҕар бастакы ааҕыыга ылыммыттара.
Манна уларытыылары сөбүлэһии хамыыһыйалара кэлэр нэдиэлэҕэ дьүүллэһиэхтээхтэр. Сэтинньи 26 күнүгэр буолар пленарнай мунньахха парламентарийдар бүддьүөтү иккис ааҕыыга көрүөхтэрэ.
Сиһилии: https://www.sakha.gov.ru/news/15461
СӨ Ньурбатааҕы оройуонун суутун быһаарыытынан борокуруор этиитэ толорулунна. Ол курдук, Ньурба куорат дьаһалтата сөптөөх үлэни…
Ньиэп сыаната хамсаабытын үрдүнэн, уматык сыаната уонча сылы быһа тохтоло суох үрдээн иһэр, онон уматыгы…
Өрөспүүбүлүкэ үбүн миниистирин эбээһинэһин толорооччу Иван Алексеев «Актуальное интервью» биэриигэ тыа хаһаайыстыбатыгар үбүлээһин суумата, бастакы…
Кэбээйи оройуонун суутун уурааҕынан Сангаар олохтооҕо Административнай быраабы кэһии туһунан кодексатын 6.1.1 ыстатыйатыгар көрүллүбүт административнай…
Сэтинньи ый Олоҥхо ыйыгар ананар. Кэбээйи улууһун Куокуй нэһилиэгэр Олоҥхо декадата саҕаланна. [gallery ids="254508,254509"] Тимофей…
Дойду рдүнэн балыыһа таһынан ойоҕостотуунан ыалдьыы элбээһинэ бэлиэтэнэр, 100 тыһыынча нэһилиэнньэҕэ ыалдьыбыт дьон ахсаана 629-ка…