Хаартыска: ЯСИА
Дойдуга бүддьүөт эйгэтин үлэһиттэрин хамнаһын төлөөһүн саҥа тиһигэ билигин хас да эрэгийиэҥҥэ тургутууну ааһар уонна социальнай эйгэҕэ пилотнай бырайыактарынан үлэлэнэр. Бу туһунан Судаарыстыбаннай Дуума Үлэҕэ, социальнай бэлиитикэҕэ уонна бэтэрээннэр дьыалаларыгар кэмитиэтин салайааччыта Ярослав Нилов кэпсээтэ.
Кини этэринэн, эспэримиэн доруобуйа харыстабылыгар, үөрэххэ уонна култуураҕа номнуо бара турар уонна салаа үлэһиттэрин хамнастарын араастаһыытын аччатарга, ону тэҥэ саамай намыһах хамнастары үрдэтэргэ аналлаах.
«Пилотнай бырайыак олоххо киирэр, түмүктэрэ таһаарыллаллар», — диэн кини ТАСС ааҕыныстыбаҕа тиһиги олоххо киллэрии ханнык түһүмэххэ сылдьарын туһунан ыйытыыга хоруйдуур кэмигэр эттэ. Нилов чуолкайдаабытынан, билигин бары быһаарыылар уонна түмүктэр дьоҥҥо-сэргэҕэ таһаарыллыбат ньыманан оҥоһуллаллар. Дьокутаат этэринэн, ити тиһигэ көрдөрүүлэрэ өссө да уларытыллыахтарын кытта сибээстээх.
2025 сыллаахха пилотнай бырайыак РФ хас да субъектарын хаппыта, онно миэдиктэр, педагогтар уонна култуура үлэһиттэрин холобуругар оклад, эбии төлөбүрдэр уонна көҕүлүүр төлөбүрдэр олохтонууларыгар саҥа ньымалар тургутуллубуттара. Хамнас намыһаҕын боппуруоһа ордук сытыытык турар ыраах сытар нэһилиэктэргэ уонна каадыр тиийбэт сирдэригэр үлэһиттэри тутан хаалар мэхэньииһимнэр туспа ырытыллаллар.
Бу иннинэ Владимир Путин бырабыыталыстыбаҕа бүддьүөт эйгэтин үлэһиттэрин хамнастарын төлөөһүн саҥа тиһиктэри киллэрии боппуруоһун үлэлээн көрөргө уонна 2027 сылтан онно көһүүнү бэлэмнииргэ сорудахтаабыта. Бырайыактар түмүктэригэр олоҕуран, биир кэлим тосхоллору оҥорон таһаарыахтара, онтон ол тосхоллор бүтүн бүддьүөт эйгэтигэр тарҕаныахтара.
ИДьМ сулууспатын Ленскэй оройуонун отделын дьуһуурунай чааһыгар кыһыл көмүс сыабын уонна 6 тыһ. солкуобайын уорбуттарын…
Саха сиригэр уопсай үөрэхтээһин тиһигэр каадыр боппуруостарын быһаарарга туһуламмыт «Сетевой учуутал» бырайыак кэҥэтиллиэҕэ. Сөптөөх сорудаҕы…
«Дом.РФ» баан сабаҕалыырынан, Арассыыйа Киин Баанын сүрүн ыстаапката соторунан сыыйа намтаан барыа. Ол түмүгэр ырыынак…
Саха сиригэр «Ойууру авиация көмөтүнэн харыстыыр Дьокуускайдааҕы баазата» тэрилтэ Эдьигээн уонна Орто Халыма куораттарыгар тэриллэр…
Күннээҕи түбүк быыһыгар, чуолаан үөрэх эйгэтигэр төһө элбэх үлэ ыытылларын бу салааттан ыраах киһи иҥэн-тоҥон…
Арассыыйа Дьоруойа, “Бастакылар хамсааһыннара” Бүтүн Арассыыйатааҕы оҕолор уонна ыччат уопсастыбаннай-судаарыстыбаннай хамсааһынын бырабылыанньатын бэрэссэдээтэлэ Артур Орлов …