Хаартыска: Мария Васильева, СИА.
Бүгүн, бэс ыйын 8 күнүгэр, Ил Түмэн уочараттаах пленарнай мунньаҕар Ил Дархан Айсен Николаев ааспыт сыллааҕы үлэтин түмүгүн таһаарарыгар бүддьүөт үлэһиттэрин хамнастарын улаатыннарыы дьаһалларын туһунан эмиэ кэпсээн аһарда.
Ол курдук, Бэрэсидьиэн «маай ыйдааҕы» ыйааҕыгар сөп түбэһиннэрэн бүддьүөт үлэһиттэрин хамнаһа былырыын икки түһүмэҕинэн үрдээбитэ. Итини таһынан хамнас алын кээмэйэ эмиэ үрдээбитэ. Ол сыалга өрөспүүбүлүкэ судаарыстыбаннай бүддьүөтүттэн 8 млрд 800 мөл. солк. ыытыллыбыта диэн Ил Дархан бэлиэтээн эттэ.
«Экэниэмикэ бары салааларыгар ситиһии дьон олоҕун хаачыстыбата тупсарыгар олук буолар. Биһиги өрөспүүбүлүкэ судаарыстыбаннай бүддьүөтэ оҥоһулларыгар бары бииргэ үлэлиибит, онон эһиги ааспыт биэс сылга экэниэмикэ үүнүүтүн бигэргэтиэххитин сөп. Мин санаабар, бу хайысхаҕа улахан хамсааһыны ситистибит. 2017 сылы кытары тэҥнээтэххэ, судаарыстыбаннай бүддьүөтүн дохуота 80% үрдээтэ. 2022 с. бүддьүөт дохуоттаах чааһа саамай үрдүк көрдөрүүнү ситиһэн 320 миллиард солкуобай буолла», — диэн кини эттэ.
Социальнай-култуурунай эйгэҕэ 158,3 млрд солкуобай, ол эбэтэр өрөспүүбүлүкэ судаарыстыбаннай бүддьүөтүн ороскуотун 48 бырыһыана көрүллүбүтэ. Национальнай экэниэмикэҕэ 59,6 млрд солкуобай (18%), олорор дьиэ-коммунальнай хаһаайыстыбаҕа – 57,0 млрд солкуобай (17,3%), атын хайысхаларга – 55,2 млрд солкуобай (16,7%) ыытыллыбыта бэлиэтэннэ.
Саха Өрөспүүбүлүкэтин судаарыстыбаннай бүддьүөтэ 6 стратегическай сыалы ситиһэргэ туһаайыллыбыт 27 судаарыстыбаннай бырагыраамалаах уонна бырагырааматтан атын хайысхалаах чаастаах комплекс быһыытынан көрдөрүллэр. Бырагыраамаларга ыытыллыбыт ороскуот 318,2 млрд солкуобайга эбэтэр Саха Өрөспүүбүлүкэтин судаарыстыбаннай бүддьүөтүн ороскуотун 96,4 бырыһыаныгар тэҥ.
Инвестиционнай бырагырааманы толоруу 59,7 млрд солкуобайга эбэтэр сыллааҕы былаан 70,3 бырыһыаныгар тэҥнэстэ, ол иһигэр судаарыстыбаннай бүддьүөт үбүн суотугар – 22,5 млрд солкуобай, федеральнай үп суотугар – 18,8 млрд солкуобай, сири-уоту сайыннарыы пуондатын үбүн суотугар 18,3 млрд солкуобай ороскуоттаммыт.
От ыйа түмүктэнэр бүтэһик күннэрэ тураллар -- бэтинсэттэн атырдьах ыйыгар үктэнэбит. Атырдьах ыйын өбүгэ саҕаттан…
От ыйын 26-27 күннэригэр Кош-Агач оройуонун Горно-Алтайскай куоратыгар Куйактанар сиргэ СӨ норуотун маастара Иван Павлов…
Аллайыаха улууһугар уу кытыытыгар быраҕыллыбыт эргэ илимҥэ дьиэ хараҥаччыта хам ылларан, мүччү-хаччы мэҥэстэн сытар этэ.…
Саха сирин хамаандата дрон күрэҕэр Уһук Илин уокуру күрэхтэһиитигэр уонна чөмпүйэнээтигэр ситиһиилээхтик кыттан, 40 баар…
Суһал иһитиннэриинэн ИДьМ сулууспатын Ленскэй улууһун отделын холуобунай ирдэбилин үлэһиттэрэ 17 саастаах олохтооҕу «Toyota Land…
Кэмпэндээйигэ "Сир уустара" төгүрүк сыл үлэлиир киин оҕолору араас хайысханан сайыннарар. Бу сайын Саха сирин…