Бүддьүөт үлэһиттэрин хамнастара алтынньыга диэри  13,2% үрдүүр

Индексация бастакы түһүмэҕин кэмигэр бүддьүөт тэрилтэлэрин үлэһиттэрин хамнастара тута 13,2% үрдүөҕэ.

Индексация быйыл икки түһүмэҕинэн ыытыллар. Бастакыта тохсунньу 1 күнүттэн алтынньы 1 күнүгэр диэри барыаҕа. Манна үөрэхтээһин, мэдиссиинэ тэрилтэлэрин, социальнай сулууспалар,  ыксаллаах быһыы-майгы уонна да атын социальнай биэдэмистибэлэр үлэһиттэрин дохуота үрдүүрэ сабаҕаланар, диэн РИА Сонуннар иһитиннэрэр.

Иккис түһүмэх алтынньыттан буолуоҕа.

Үрдээһин үлэһит ылар төлөбүрдэригэр — хамнаһын акылаатыгар уонна куруук ылар бириэмийэлэригэр сыһыарыллыаҕа.

Санатан эттэххэ, былырыын  РФ бары эрэгийиэннэригэр орто хамнас үрдээбитэ. Дойду үрдүнэн ортотунан 88 тыһыынча солкуобайга тэҥнэспитэ, оттон 11 эрэгийиэҥҥэ 100 тыһыынча солкуобайы куоһарбыта.