Хаартыска: ЯСИА.
Бу сыл алтынньы 1 күнүттэн бүддьүөт эйгэ үлэһиттэрин сорох категориялара үрдэтиллибит хамнаһы ылан саҕалыахтара. Бу туһунан дойду бырабыыталыстыбатын саайтыгар тахсыбыт официальнай иһитиннэриигэ этиллэр.
Докумуонунан маны таһынан, бу сыалларга федеральнай бүддьүөттэн сүҥкэн үп-харчы көрүлүннэ диэн бэлиэтэнэр.
«Алтынньы 1 күнүттэн бүддьүөт үлэһиттэрин сорох категорияларын хамнаһа 7,6 бырыһыаҥҥа үрдэтиллиэҕэ. Бу туһунан уурааххаа илии баттанна», – диэн бырабыыталыстыба иһитиннэриитигэр бэлиэтэммитин «РИА Новости» иһитиннэрэр.
Хамнас үрдээһинэ федеральнай казеннай, бюджетнай уонна автономнай тэрилтэлэр үлэһиттэрин, федеральнай судаарыстыбаннай уорганнар үлэһиттэрин, ону таһынан байыаннай чаастар гражданскай үлэһиттэрин уонна атын категориялары хабыаҕа.
Былаастар федеральнай бүддьүөккэ 2025 сылга уонна 2026–2027 сс. былааннанар кэмнэригэр бу быһаарыыны олоххо киллэрэргэ 30,8 млрд солк. көрдүлэр. Бу үп-харчы ыйыллыбыт категориялаах үлэһиттэр хамнастарын индексацияларын хааччыйыаҕа.
Санатан эттэххэ, бу сыл тохсунньу 1 күнүттэн бүддьүөт үлэһиттэрин атын категорияларын хамнастара үрдээбитэ. Быраастар, педагогтар, социальнай эйгэ, култуура уонна ойуур хаһаайыстыбатын үлэһиттэрин, ону тэҥэ ЫБМ, Росстандарт уонна Роспотребнадзор үлэһиттэрин хамнастара 13,2 бырыһыаҥҥа диэри улааппыта.
Элбэх кыбартыыралаах дьиэлэргэ тапсан олоруу быраабылаларын, сиэри-майгыны төһө билэбитий, тутуһабытый? Бу өрөспүүбүлүкэбит үгүс олохтоохторугар сыһыаннаах…
Ахсынньы-тохсунньу тоһуттар томороон тымныылара бүтэн, халлаан сылыйан, хаһаайкалар аны сайыҥҥа, сорохтор оннооҕор кэлэр идэһэҕэ диэри…
Күүһү түмтэххэ, кыттыстахха, кыаллыбат да кыалларын Бүлүү улууһун Халбаакы нэһилиэгин үтүө холобуругар көрүөххэ сөп. Манна…
— Хапытаалынай өрөмүөн иһин усунуоһу төлөөһүҥҥэ өйөбүл миэрэтэ баар дуо? Ыйытыыга “Субсидиялар ааҕыныстыбалара” СӨ ГКУ…
Кэлиҥҥи кэмҥэ оскуола оҕолоруттан саҕалаан урбаанньыттарга тиийэ бэйэ бородууксуйатын биир көрүҥэр – мыыла оҥорон таһаарыытыгар…
Бүгүн, тохсунньу 31 күнүгэр, өрөспүүбүлүкэ арҕаа, хотугулуу-илин өттүгэр кыралаан хаардыаҕа. Мантан атын оройуоннарга сөҥүү түһэрэ…