Хаартыска: СИА
Бу күннэргэ сис былыт кэлэн, таһырдьа сылыйда, хаардаата. Бу нэдиэлэ өрөбүллэригэр -10 кыраадыска диэри сылыйыаҕа диэн Дьокуускайдааҕы гидрометеокиин иһитиннэрэр.
Хотуттан сис былыт кэлэн, хаардыы турар. Сэтинньи 9 күнүгэр хотугулуу-арҕаа, сэтинньи 10, 11 күннэригэр арҕааҥҥы, соҕуруулуу-арҕааҥҥы улуустарга тиийиэҕэ. Хаардыыр кэмигэр -10 кыраадыска диэри сылыйыаҕа.
Гидрометеокиин иһитиннэрбитинэн, сэтинньи 14 күнүттэн, оптуорунньуктан, сэтинньи ый -20-30 кыраадыстаах тымныылара саҕаланыахтара. Оттон күнү-дьылы билгэлиир саайтары көрдөххө, бу өрөбүллэргэ сылыйар, онтон кэлэр нэдиэлэҕэ күннэнэн, -20 кыраадыска диэри тымныйан баран, кэлэр өрөбүллэргэ эмиэ -10-13 кыраадыска диэри сылыйар диэн көрдөрөллөр. Уопсайынан, быйыл сэтинньи урукку сыллары кытта тэҥнээтэххэ, сылаас, улахан тумана суох буолара сабаҕаланар. Ый иккис аҥаарыгар муҥутаан -25-30 кыраадыс тымныйыаҕа.
Геомагнитнай балаһыанньа туһунан эттэххэ, бу ааспыт күннэргэ магнитнай буурҕалар түһэн, дьүкээбиллэр суһумнаан ылбыттара. Бу күннэргэ улахан магнитнай буурҕа суох. Сэтинньи 13-14-15 күннэригэр 3 бааллаах мөлтөх геомагнитнай буурҕа түһүөҕэ. Атын күннэргэ — 2 бааллаах. Санатар буоллахха, 5-6 бааллаах буоллаҕына, күүстээх магнитнай буурҕа дэнэр.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…