Бүгүн сөҥүүтэ суох, күнүс -18…-23°С кыраадыс тымныы

Саха сирин үгүс оройуоннарынан бүгүн, олунньу 17 күнүгэр, сөҥүүтэ суох, күнүс салгын температурата -18…-23° кыраадыс тымныы буолуо. Бу туһунан УГМС саайта иһитиннэрэр.

Өрөспүүбүлүкэ соҕуруулуу-арҕаа өттүгэр, соҕуруу, соҕуруулуу-илин, хотугулуу-илин, Арктика кытылынан кыралаан хаардыыр. Соҕуруу сөкүүндэҕэ 15-20 м. түргэннээх тыаллаах, буурҕа түһэр, Арктика оройуоннарынан сөкүүндэҕэ 9-14 м. түргэннээх тыаллаах, тибиилээх.

Салгын температурата түүн -27…-32°С,  былыта суох буоллаҕына уонна  хотугулуу илин, хотугулуу-арҕаа -33…-38°, хотугулуу-арҕаа -40…-45°С, Халымаҕа -23…-28°С, арҕаа -30…-35°С кыраадыс тымныы. Күнүс -18…-23°С, арҕаа -22…-27°С, хотугулуу-арҕаа, хотугулуу-илин -25…-30°С кыраадыс тымныы.

Дьокуускайга салгын температурата түүн -28…-30°, күнүс -19…-21°, сөҥүүтэ суох, хотугулуу-арҕааттан сөкүүндэҕэ  2-7 м. түргэннээх тыаллаах.