Бүгүн 10 кыраадыска тиийэ тымныйыаҕа

Бүгүн, алтынньы 1 күнүгэр, Саха сирин үгүс улуустарыгар хаар түһэрэ, тыалырара уонна -10 кыраадыс буолара күүтүллэр диэн УГМС иһитиннэрэр.

Өрөспүүбүлүкэ үгүс өттүгэр кыралаан хаардыаҕа, күнүс киин, соҕуруу, арҕаа улуустарга сөҥүү түспэт.

Хотугулуу-илин улуустарга хаардыаҕа, Халыма-Индигиир улуустарыгар хойуу хаар түһэрэ сабаҕаланар диэн суруйаллар.

Сөкүүндэҕэ 9-14 миэтэрэ түргэннээх тыаллаах.

Күнүс -3,+2°, соҕуруулуу-арҕаа +2+7°, хоту -5-10°.

Дьокуускайга кыралаан хаардыаҕа, күнүс сөҥүү түһүө суоҕа, суол халтараан, сөкүүндэҕэ 3-8 миэтэрэ түргэннээх тыаллаах. Күнүс салгын температурата 0, -2 кыраадыска тэҥнэһэр.