Бүгүн 10:00 ч. дааннайынан, 238 926 киһи куоластаата

Үс күннээх быыбар түмүктүүр күнэ тиийэн кэллэ. Бүгүн, балаҕан ыйын 10 күнүгэр, сарсыарда 10:00 ч. куоластааһын маҥнайгы дааннайынан, Саха сиригэр быыбарга кыттыы 36,98% буолла, эбэтэр 238 926 киһи куоластаата.

Үгэс курдук, бу кэмнээҕи туругунан, саамай элбэх киһи Өлөөн эбэҥки национальнай оройуонугар 72,73 % куоластаата.

Ону сэргэ биэс бастыҥнар истэригэр Анаабыр национальнай (долган-эбэҥки) улууһа – 62,01 %, Үөһээ Бүлүү улууһа – 61,58 %, Горнай улууһа – 59,98 %, Таатта улууһа – 53,13 % куоластаан киирдилэр диэн СӨ Киин быыбардыыр хамыыһыйата иһитиннэрэр.