Бүгүн +34°С кыраадыска диэри итийиэ
Саха сирин үгүс өттүгэр быстах ардахтаах, сорох сиринэн этиҥнээх ардах түһүөҕэ диэн күнү-дьылы кэтээн көрөччүлэр билгэлииллэр.
Арҕаа, хотугулуу-арҕаа, киин улуустарга сөҥүүтэ суох, Өлүөнэ өрүс алын тардыытынан уонна Үөһээ Халымаҕа быстах ардахтаах, сорох кэмигэр этиҥнээх ардах түһэрэ күүтүллэр.
Арктика улуустарынан кыралаан ардыыр. Өрөспүүбүлүкэ үгүс оройуоннарынан сөкүүндэҕэ 9-14 м/с түргэннээх күүстээх тыаллаах, этиҥнээх ардах кэмигэр сөкүүндэҕэ 15-20 м/с түргэннээх тыалырыа.
Салгын температурата түүн +8+13°С, арҕаа, соҕуруу, киин улуустарга +15+20°, хотугулуу-илин, хоту +4+9°, күнүс +27+32°С, соҕуруулуу-арҕаа, соҕуруу +34°С кыраадыска диэри итийиэ, хотугулуу-илин ардах түстэҕинэ +17+22°С, хоту +10+15°С кыраадыс сылаас.
Дьокуускайга быстах ардах түһэрэ күүтүллэр, сөкүүндэҕэ 3-5 м/с түргэннээх тыаллаах. Салгын температурата түүн +8+15°С, күнүс +25+29°С кыраадыс итии.
Сообщить об опечатке
Текст, который будет отправлен нашим редакторам: