Бүгүн -45° диэри тымныйыа, тибии түһүө, хаардыа

Саха сиринээҕи Гидрометеосулууспа саайта иһитиннэрбитинэн, бүгүн, олунньу 7 күнүгэр, Саха сирин үрдүнэн кыра хаар түһэрэ күүтүллэр.

Тыала сэргэх, Арктика арҕаа кытылынан сөкүүндэҕэ 16-21 м. тиийэ күүһүрүө, тибии түһүө.

Салгын температурата түүн -43-48°, киин, соҕуруу, хоту улуустарга хаардаахха -35-40°, хотугулуу-арҕаа, арҕаа -30-35°, сорох сиринэн -25-30° кыраадыс тымныы.

Күнүс -30-35°, арҕаа -20-25°, сорох сиринэн -10-15°, оттон хотугулуу-илин хотоол сирдэргэ -40-45° кыраадыска диэри тымныйыа.

Дьокуускайга салгын температурата түүн -41-44°, күнүс -40-41° кыраадыс тымныы. Сарсыарда туман түһүө, сөҥүүтэ суох.