Бүгүн -48…-53°С кыраадыска диэри тымныйыа

Бүгүн, олунньу 9 күнүгэр, Саха сиригэр хоту уонна хотугулуу-арҕаа оройуоннарынан кыралаан хаардыыр, атын улуустарынан сөҥүүтэ суох.

Киин улуустарынан түүн сорох сиринэн туманнаах. Бу туһунан УГМС саайта иһитиннэрэр.

Өрөспүүбүлүкэҕэ хотугулуу-арҕааттан сөкүүндэҕэ 9-14 м. түргэннээх күүстээх тыаллаах, хоту — сөкүүндэҕэ 15-20 м. түргэннээх тыалырыа, оттон Арктика улуустарынан — сөкүүндэҕэ 19-24 м. түргэннээх тыаллаах, буурҕа түһэрэ күүтүллэр.

Салгын температурата түүн -37…-42°С, хотугулуу-илин — -43…-48°С, хотугулуу-илин алын тардыытынан — -48…-53°С, арҕаа — -27…-32°С, сорох сиринэн арҕаа өттүгэр — -20…-25°С кыраадыс тымныы.

Күнүс салгын температурата -30…-35°С кыраадыска диэри халбаҥныыр, хотугулуу-илин алын өттүгэр — -38…-43°С, соҕуруулуу-арҕаа — -25…-30°С, хотугулуу-арҕаа — -20…-25°С, оттон арҕаа — -15…-20°С кыраадыс тымныы.

Дьокуускайга сөҥүүтэ суох, сарсыарда сорох сиринэн туманнаах, сөкүүндэҕэ 1-4 м. түргэннээх тыаллаах. Салгын температурата түүн -38…-40°С, күнүс — -31…-33°С кыраадыс тымныы.