Бүгүн -54С кыраадыска диэри тымныйыа

Саха сиригэр бүгүн, олунньу 6 күнүгэр, киин улуустарынан туманнаах буолуо, Өлүөнэ өрүс алын тардыытынан тибии түһэрэ күүтүллэр.

Өрөспүүбүлүкэҕэ хотугулуу-арҕаа, хоту кыралаан хаар түһэр, атын улуустарынан сөҥүүтэ суох, киин улуустарынан нэһилиэктэринэн туманнаах буолуо. Өлүөнэ өрүс алын тардыытынан сөкүүндэҕэ 9-14 м. түргэннээх тыаллаах, тибиилээх, Нерюнгри оройуонугар  сөкүүндэҕэ 15-17 м. диэри түргэннээх тыаллаах, Арктика кытылынан сорох сиринэн сөкүүндэҕэ 16-21 м. күүстээх тыаллаах, буурҕа түһэр.

Салгын температурата түүн -40-45°С,  арҕаа,  киин улуустарга сорох сиринэн -35-40°С, соҕуруу, хотугулуу-арҕаа -25-30°С, сорох сиринэн -20-25°С, Халымаҕа -44-49°С, хотугулуу-илин алын тардыытынан -49-54°С,  күнүс салгын температурата -30-35°С, хотугулуу-арҕаа, соҕуруу, соҕуруулуу-илин -20-25°С, Халымаҕа, хотугулуу-илин -42-47°С кыраадыс тымныы.

Дьокуускайга салгын температурата -38-40°С, күнүс -31-33°С, сөҥүүтэ суох, туманнаах, кыра тыаллаах.