Хаартыска: visit-yakutia.com
Аан дойдутааҕы төрөөбүт тыл күнэ 2000 сылтан сыл ахсын олунньу 21 күнүгэр бэлиэтэнэр.
Аан дойдутааҕы Төрөөбүт тыл күнэ 1999 сыл сэтинньи 17 күнүгэр ЮНЕСКО Генеральнай кэмпириэнсийэтигэр тэриллибитэ. Бэлиэ күн Ийэ тыл арааһын харыстыырга уонна сыаналыырга анаммыта.
Төрөөбүт тылынан үөрэнии уонна төрөөбүт тылы үөрэтии быраабын хааччыйыыны СӨ Төрүт сокуона «Саха Өрөспүүбүлүкэтигэр үөрэх туһунан», «Саха Өрөспүүбүлүкэтигэр тыллар тустарынан», «Саха Өрөспүүбүлүкэтин хоту аҕыйах ахсааннаах төрүт омуктарын төрөөбүт тылларын статуһун туһунан», «Саха Өрөспүүбүлүкэтин көс оскуолаларын тустарынан» сокуоннарынан мэктиэлиир.
Сыыппара чахчыларын ылан көрдөххө, Арассыыйа үрдүнэн 193 араас омук олорор. Кинилэр, быһа холоон, 277 тылынан уонна диалектарынан туһаналлар. Маннык дааннайдар 2025 сылга диэри болдьохтоох РФ Судаарыстыбаннай национальнай бэлиитикэтин стратегиятыгар РФ Тыл үөрэтии үнүстүүтүн официальнай дааннайдарыгар олоҕуран суруллубуттара.
Бэлиэтээн эттэххэ, дойду үөрэҕириитин судаарыстыбаннай тиһигэр араас 105 тыл туһаныллар, олортон 24-дэ үөрэх тылын быһыытынан, 81-рэ – үөрэх биридимиэтинэн. Дойду норуоттарын тылларын Кыһыл кинигэтигэр 60-тан тахса тыл киллэриллибитэ.
Кэнники сылларга Аан дойдутааҕы төрөөбүт тыл күнүн чэрчитинэн Арассыыйаҕа «Төрөөбүт тыл» аахсыйа ыытыллар. Аахсыйа кыттааччылара видеоҕа төрөөбүт тылларынан эҕэрдэ, ырыа, хоһоон, о.д.а. устан социальнай ситимнэргэ таһаараллар.
Бэрэсидьиэн Владимир Путин төрөөбүт тыллары үөрэтиини өйүүргэ хас да тэрилтэҕэ сорудахтаабыта. Ол курдук, Герцен аатынан университет иһинэн Хотугу норуоттар институттарыгар төрөөбүт тылларын үөрэтэр преподавателлэри эбии бэлэмниир этиллибитэ. Бу үнүстүүт 20-30-с сылларга олус суолталаах соругу толорор этэ – Арассыыйа Хоту, Сибиир, Уһук Илиҥ эрэгийиэннэригэр исписэлиистэри бэлэмниирэ.
Өлүөнэни туоратар муостаны тутуу бигэргэммит кыраапыгынан ыытыллар. Генеральнай бэдэрээтчит уонна бэдэрээтчит тутар-таҥар үлэ комплексын хааччыйаллар.…
“Саха сирэ – Дьоруойдар дойдулара” – билиини уонна уопуту туһанарга уочараттаах хардыы, диир байыаннай дьайыы…
“Саха “ГТРК “Быһа биэрии” биэриитин эпииригэр Айсен Николаев буолан ааспыт олохтоох салайыныы уорганнарын түмүгүн туһунан…
Быйыл сайын Эбээн Бытантай улууһун Дьарҕаалааҕар от үүнүүтэ мөлтөҕүн да иһин, сүөһүлээх-астаах тыа ыаллара сыл…
Бу күннэргэ Өймөкөөн улууһугар толору оту тиэммит массыыналар "Халыма" федеральнай айан суолунан Өймөкөөн улууһун туһаайыытын…
Саха Өрөспүүбүлүкэтин Ил Дархана Айсен Николаев “Россия24” телеханаалга “Быһа кэпсэтии” бырагыраама эпииригэр Дьокуускайга тырааныспар ситимин…