Бүгүн, кулун тутар 30 күнүгэр, дойду үрдүнэн Степан Бурнашев “Айта” диэн ааттаах уус-уран киинэтэ киэҥ быракаакка тахсар.
Бурнашев Саха сирин режиссердарыттан саамай таһаарылаах үлэһиттэрэ — 2012 сылтан (ити сыл “Кута” диэн ааттаах бастакы киинэтэ тахсыбыта) 13 толору метражтаах уус-уран киинэлэри оҥорон киинэ тыйаатырдарыгар көрдөрдө. “Айта” атын айымньыларыттан сүрүн уратыта – киинэни “Провзгляд” киинэ быракаатынан дьарыктанар улахан тэрилтэ Арассыыйаҕа рекламыырга ылсыбыт. Бурнашев биир саамай биллибит киинэтэ “Хара хаар” Саха сирин таһыгар киинэ тыйаатырдарыгар тахсыбыта эрээри бу сырыыга бырайыагы көрөөччүгэ тиэрдэ сатааһын атын таһымҥа тахсыбыта көстөр. Ол курдук, “Афиша”, “Вконтакте”, “Сноб”, “Сеанс”, “Бизнес ФМ” уо.д.а. бөдөҥ аудиториялаах информация тарҕатааччылар “Айтаны” рекламалыыллар. Ону таһынан биллэр блогердарга ыҥырыылар киинэ фирменнай “мерч” кэһиилээх тиксэриллибиттэр, бу ньыма киинэ социальнай ситимнэргэ биллэригэр туһалыыр. Киинэҕэ анаммыт https://aitafilm.ru/ туспа сайт баар, онно көрөөччүлэр билиэт атыылаһыахтарын сөп, киинэ туһунан эбии билсиэхтэрин сөп.
“Айта” детектив элэмиэннэрдээх психологическай триллер. Сценарийын Бурнашев уруккаттан үлэлэһэр ааптарынаан Светлана Тайко кытта суруйбут, киинэ туруорааччы операторынан “Биһиги кыһыммыт” бырайыакка үлэлээбит Данила Горюнков буолбут. Сүрүн оруоллары Иннокентий Луковцев, Ильяна Павлова, Георгий Бессонов, Спартак Ларионов уо.д.а. оонньууллар.
«Урбаанньыт аҕалар» үөрэх бырайыага бу сыл алтынньы 28 күнүттэн сэтинньи 22 күнүгэр диэри ыытыллыаҕа. Босхо…
Бу субуотаҕа, алтынньы 19 күнүгэр, Бастакы ханаал «Играем свадьбу» бырагырааматын таһаарыытыгар эбэҥки норуотун сыбаайбатын көрдөрүөхтэрэ.…
Ааспыт сууккаҕа Дьокуускай куорат полициятын учаастактааҕы боломуочунайдара сокуоннай сааһын ситэ илик оҕолорго арыгыны атыылааһын биэс…
Нерюнгри оройуонуттан старшай участковай полиция боломуочунайа, старшай лейтенант Роман Морозов «Народный участковый- 2024» куонкурус эрэгийиэннээҕи түһүмэҕин…
Дьокуускай куорат ИДьМ 2 №-дээх полициятын дьуһуурунай чааһыгар киин куорат олохтооҕо биллибэт эр киһи быһаҕынан…
Саха сиригэр байыаннай дьайыы кыттылаахтарыгар уонна кинилэр дьиэ кэргэттэригэр психологическай көмөнү оҥоруу үлэтэ салҕанар. Ааспыт нэдиэлэҕэ…