Бүгүн — Араадьыйа күнэ

Ыам ыйын 7 күнүгэр Арассыыйаҕа Араадьыйа күнэ бэлиэтэнэр. Бу сибээс бары эйгэтин үлэһиттэрин идэлээх бырааһынньыктара.

Күннээҕи олоххо-дьаһахха киһи сонуну үллэстэр сибээһэ суох, тула эйгэни уларытар саҥа технологиялара суох төрүт табыллыбат. Сибээс араас дойдулары ситимниир, бодоруһуу киэҥ  эйгэтин үөскэтэр, иһитиннэрии хаачыстыбатын тупсарар. Онуоха сибээс ситимэ түргэн уонна үчүгэй хаачыстыбалаах буолуута дойду социальнай-экэнэмиичэскэй сайдыыларыгар улахан суолталаах.   Маассабай иһитиннэрэр-биллэрэр сириэстибэ үлэһиттэрэ идэлэригэр бэриниилээх, үлэлэригэр үтүө суобастаахтык сыһыаннаһар буоланнар, өрөспүүбүлүкэ дьоно-сэргэтэ, чуолаан, ыраах улуустар, суола-ииһэ суох кытыы нэһилиэктэр олохтоохторо дойду сонунун тута истэ-билэ олороллор.

Араадьыйа үлэһиттэригэр  үлэҕитигэр ситиһиилэри, чэгиэн-чэбдик доруобуйаны баҕарабыт!