Бүгүн ардаатаҕына  40 хонук түһүөхтээх…

Биһиги эрэллээх ааҕааччыбыт, уопсастыбаннай кэрэспэдьиэммит, суруйааччы Иннокентий Попов-Оҕуруоттаах үгүс сылларга бэлиэтии көрөр түгэннэринэн, күн-дьыл туругун билгэлиир идэлээх.

От ыйын 3 күнэ. Чэбэр күн

Урукку сылларга бу кэмҥэ  кураан буолан, ардаҕы кэтэһэрбит. Быйыл тохтообот ардах, тымныы күннэр салгыттылар. Тымныыттан үүнэр от булууһурда, ардахтан сир ыбылы инчэйдэ.

Бүгүн, от ыйын 3 күнүгэр, ардаатаҕына  40 хонук түһүөхтээх. Куйаар ситимэ бүгүн ардаҕы көрдөрөр. Оччотугар  хаһан халлаан  халлан, от оттотор. Ардах баара үчүгэй, ардах суоҕа куһаҕан. Айылҕа соруйан тургутар курдук.

Бүгүҥҥү билгэ:  ооҕуй ситимин ыстаҕына — ардыыр, тыалырар, хаттаан өрдөҕүнэ – халлаан тупсар. Тигээйилэр кураан иннинэ майгылара уларыйар, харса суохтарыгар түһэллэр. Ой дуораана суох буоллаҕына, куһаҕан күннэр салҕаналлар. Былыттар үөһэнэн уһуннахтарына – ардаабат. Баҕалар кураанах сиргэ таҕыстахтарына – ардыыр.