Бүгүн ардах, инчэҕэй хаар, күүстээх тыал түһэрэ күүтүллэр

Бүгүн, балаҕан ыйын 7 күнүгэр, Уус Маайаҕа, Өймөкөөҥҥө, Томпоҕо, Муомаҕа, Үөһээ Халымаҕа, Алдаҥҥа күүстээх  ардах, хайалаах сиргэ инчэҕэй хаар түһүөҕэ. 

Киин оройуоннарга, соҕуруулуу-арҕаа, хотугулуу-арҕаа кыралаан ардыаҕа, сорох сиринэн инчэҕэй хаар түһүөҕэ.

Киин, илин эҥээр, Өлүөнэ аллараа тардыытынан, Булуҥҥа, Анаабырга сөкүүндэҕэ 15-20 м. түргэннээх тыал түһэрэ сабаҕаланар.

Салгын температурата  күнүс  +6+11°С, соҕуруулуу-арҕаа,  +5+10°С, хоту  +2+7°С кыраадыс сылаас буолуоҕа.