Бүгүн ардах, инчэҕэй хаар түһүөҕэ

Бүгүн, балаҕан ыйын 20 күнүгэр, өрөспүүбүлүкэ соҕуруу, арҕаа, хотугулуу-илин өттүгэр  кыралаан ардыаҕа, сорох сиринэн күүстээх ардах, хоту инчэҕэй хаар  түһэрэ күүтүллэр.

Сөкүүндэҕэ  9-14 м., Арктика кытылынан  15-18 м. түргэннээх тыал түһэрэ сабаҕаланар. Салгын температурата  күнүс  +3+8°С, соҕуруу, соҕуруулуу-арҕаа  +6+11°С, хотугулуу-арҕаа  0,+5°С кыраадыс буолуоҕа.