Бүгүн — арҕаа тыалырар, соҕуруулуу-арҕаа сылыйар

Төһө да саас кэлэн иһэр сибикитэ баар эрээри, халлаан тымныытын тута ыһыктар санаата суох быһыылаах. Бэҕэһээ, дьиҥэр, Тымныы оҕуһун иккис муоһа тостубата.

Бүгүн, олунньу 25 күнүгэр, Саха сиринээҕи гидрометеокиин иһитиннэрэринэн, Өлөөн, Мииринэй, Бүлүү, Үөһээ Бүлүү, Сунтаар, Ньурба, Өлүөхүмэ, Эдьигээн, Кэбээйи улуустарыгар сөкүүндэҕэ 15-20 м түргэннээхтик тыалырыа.

Оттон хотугулуу-илин диэки сөҥүүтэ суох, арҕаа диэки кыратык хаардыа. Анаабыр, Булуҥ, арҕаа улуустарга тыалырар. Түүнүн 35-40 кыраадыс тымныйбыт. Хотугулуу-илин түүнүн 49-54 кыраадыс тымныы буолбут. Арҕаа уонна соҕуруу эргин 13-18 кыраадыс тымныы. Күнүһүн  хотугулуу-арҕаа 32-37, намтал сиргэ-уокка 37-42, арҕаа диэки 11-16, соҕуруу 5-10 уонна соҕуруулуу-арҕаа -4, +1 кыраадыс буолар.