Бүгүн — Үһүс Ыспааһап күнэ

Атырдьах ыйын 14, 19 күннэригэр ааспыт Бастакы, Иккис Ыспааһаптар киин куоракка биллибэккэ ааспыттара.

Сорох улуустары бэлиэтээн ааспыттара иһиллибитэ. Ардахтаах дьыл Ылдьыынтан саҕалаан, үс Ыспааһап силлиһэ барар идэлээхтэр. Быйыл улахан кураан дьыл туран, арай бу үһүс Ыспааһапка ардыы турар.

Күн-дьыл билгэтинэн, бу күн от үлэтэ үмүрүйэр. Ый бүтүүтэ оту-маһы орохсутар тыал түһэр. Эһиил үчүгэй дьыл кэлиэх буоллаҕына, от кэнчээрилиир.