Хаартыска: СИА
Бүгүн киэһээ 20 чаастан «Азия оҕолоро» VIII норуоттар икки ардыларынааҕы спортивнай оонньуулар үөрүүлээх аһыллыыларын сиэрэ-туома Николай Тарскай аатынан “Туймаада” стадиоҥҥа ыытыллар.
Үөрүүлээх тэрээһин үс омук тылынан тэриллэн ыытыллыаҕа: нууччалыы, сахалыы уонна эбэҥкилии. Оонньуу аһыллыытын сценарийа саха төрүт үгэстэригэр олоҕурбут. Сүрүн көрдөрүүлэр Арктика дьикти айылҕатыгар тирэҕирэллэр. Аһыллыы сиэрин-туомун тэрээһинигэр Саха сирин сүүрбэттэн тахса улууһуттан улахан дьону киллэрэн туран, 4 тыһ. кэриҥэ киһи кыттара күүтүллэр.
Оонньуу кыттыылаахтарын уонна көрөөччүлэри бу ураты эйгэҕэ үс чаастаах бырагыраама күүтэр. Үөрүүлээх тэрээһин үгэс курдук спортсменнар парааттарыттан саҕаланыа.
Оонньууга Дьокуускай куорат сүүрбэттэн тахса успуорка эбийиэгэ туһаныллыаҕа, ол иһигэр “Туймаада” уонна “Юность” стадионнар, “Модун”, “Дохсун”, “Стерх” успуорт комплекстара, “Триумф” спортсменнары бэлэмниир киин, “Эллэй Боотур” дыбарыас, “Чолбон” бассейн, “Сулус” физкултууралыыр-чэбдигирдэр комплекс, “Олимпиец” успуорт-ытар комплекса, “Кыайыы 50 сыла” успуорт дыбарыаһа, куорат Сайсары уокуругун элбэх хайысхалаах успуорка саалата сыһыарыллыахтара. 16 эбийиэк Бүтүн Арассыыйатааҕы успуорт эбийиэктэрин испииһэгэр киирэр уонна куттала суох буолууга пааспардаах. “Азия оҕолоро” оонньуулар саҕаланыыларыгар Дьокуускай куорат 6,4 тыһ. кыттааччыны уонна ыалдьыты көрсөргө бэлэм буолуоҕа.
Бүгүн "Азия оҕолоро" норуоттар икки ардыларынааҕы спортивнай оонньууларга мас-рестлиҥҥэ Тимир Луковцев кыһыл көмүс мэтээли хамаандатыгар…
Сарсын Халыма-Индигир оройуоннарыгар уонна арҕаа оройуоннарга ардах, сорох сиринэн этиҥнээх ардах түһэрэ күүтүллэр. Муора кытылынан…
Бүгүн, бэс ыйын 28 күнүгэр, "Азия оҕолоро" оонньуулар Волонтерскай куорпуһугар Госдуума туризмҥа, туристическай инфраструктураны сайыннарыыга…
Дьокуускайдааҕы киинэ бэстибээлин аһыллыытыгар "Сахафильм'' дириэктэрэ, продюсер Алексей Егоров дьүүллүүр сүбэ чилиэннэрин билиһиннэрдэ. Бу Казахстантан,…
Ил Дархан Айсен Николаев бүгүн Судаарыстыбаннай Дуума дьокутааттарын Александр Шолоховы, Николай Валуевы, Андрей Марковы кытта…
Бэс ыйын 29-30 күннэригэр Туймаада ыһыаҕар оптуопустар дьону Үс Хатыҥҥа диэри 60 солк. таһыахтара. Ол…