Бүгүн — Баһылайап күнэ

Тохсунньу ый 14 күнэ – Баһылайап күнэ (Эргэ саҥа сыл).

Саха халандаара кэнники кэмҥэ православнай халандаар бэлиэ күннэрин батыһан оҥоһуллубут. Православнай сибэтиэйдэр күннэрин сахалар күн-дьыл хаамыытыгар, олох-дьаһах тэрээһинигэр сөп түбэһиннэрэн биэрбиттэрэ. Дьиҥинэн, олох былыр сахалар күнү-дьылы атыннык ааҕаллара. Оттон Арассыыйа аан дойду култууратын үгэстэрин батыһан Григориан халандаарыгар көспүтэ. Бу 1918 сыллаахха олунньу 14 күнүгэр буолбута. Ол түмүгэр ураты бырааһынньык үөскээбитэ — Эргэ саҥа сыл.

Билигин Эргэ саҥа сыл бырааһынньыга Саҥа дьыллааҕы бырааһынньык курдук тэҥник бэлиэтэнэр. Ол курдук, тохсунньу 1 күнүгэр ситэриллибэтэх дьыалалары тохсунньу 14 күнүгэр түмүктүүллэр. Бу күн араас биричиинэнэн Саҥа сылы көрсүбэтэхтэргэ Эргэ сыл бырааһынньыгар бэлиэтииргэ наадалаах.

Баһылайап күнүн билгэтэ

Биһиги өбүгэлэрбит айылҕа күүһүгэр олус итэҕэйэллэрэ, онон үксүлэрэ күн-дьыл туругун көрөн инникини билгэлииллэрэ. Бу күн салгын температуратын, ону таһынан сулустары кэтээн көрөллөрө.

• Бу күн ханнык кэмҥэ былытырбытынан дьаҥ-дьаһах хаһан буоларын быһаараллар.
• Көп хаар түстэҕинэ, от өлгөмнүк үүнэр.
• Былыта суох чаҕылхай күннээх — үүнүүлээх сыл буолара күүтүллэр.
• Элбэх хаар түстэҕинэ — дьоллоох сыл.
• Туманнаах күн турдаҕына, үчүгэй бэлиэ — быйаҥнаах сыл үүнэр.
• Ый суох буоллаҕына, кураан сыл буолар.