Хаартыска: "Сахамедиа"
Биир сыллааҕыта «Сахамедиа» суруналыыстара холдинг генеральнай дириэктэрэ Виктор Колесов салалтатынан Чечен Өрөспүүбүлүкэтигэр Гудермес куоракка баар Арассыыйатааҕы спецназтар университеттарыгар байыаннай кэрэспэдьиэннэр куурустарыгар үөрэммиттэрэ.
Кинилэр кэннилэриттэн салгыы «Саха» НКИК суруналыыстара үөрэммиттэрэ. Ити кэмтэн ыла бары биир хамаанда буолан, бэйэ-бэйэбитин солбуйсан, байыаннай дьайыы хайдах-туох бара турарын сырдатан, суруйан кэллибит. Байыаннай дьыалаҕа федеральнай телеканаалларга үлэлиир, уос номоҕор сылдьар биллэр-көстөр суруналыыстар курдук үөрүйэхпит суоҕа буолуо эрээри, биһиги, төһө кыалларынан, ааҕааччыларбытыгар тугу көрбүппүтүн, саамай сүрүнэ, Саха сириттэн сылдьар биир дойдулаахтарбыт бойобуой туруктарын сиһилии сырдатан кэллибит. Суруйууларбытын, видеоҕа устууларбытын дьон сэргээн көрөрө биһиги сөпкө тайанан үлэлии сылдьарбытын туоһулуур. Ол иһин биһиги аан дойдутааҕы байыаннай суруналыыстар күннэригэр кыратык да буоллар сыһыаннаахпыт, биһиги күммүт диэн хорсуннук этэр толору бырааптаахпыт. Инники өттүгэр биһигини элбэх командировкалар күүтэллэр, элбэх ыстатыйалары, репортажтары, телебиэриилэри оҥоруохпут. Саамай сүрүнэ, барыбытын Кыайыы күүтэр. Арассыыйа хайаан да кыайыа!
Кылгас ыспыраапка
Аан дойдутааҕы байыаннай суруналыыстар күннэрэ сылын аайы сэтинньи 2 күнүгэр бэлиэтэнэр. ООН Генеральнай Ассамблеятынан 2013 сыллаахха олохтоммута.
Бу сыл тохсунньуттан ыам ыйыгар диэри «Якутскэнергосбыт» хампаанньа 50 мөл. солк. тахса суумалаах хомунаалынай өҥөлөр…
Политолог, суруналыыс Чокуур Гаврильев ырытар.
От ыйыгар ГАИ үлэһитин тохтобулга ирдэбилин толорботох иһин ыстараап 12,5 төгүл үрдүөҕэ, ОСАГО полиһа суох…
От ыйын 1 күнүгэр Национальнай бэчээт күнэ бэлиэтэнэр. Бырабыыталыстыба дьиэтигэр сахалыы тыллаах көрдөрөр-иһитиннэрэр сириэстибэлэр үлэһиттэригэр,…
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…