Хаартыска: сахагов.
Сэтинньи 26-28 күннэригэр ыытыллар «Хотугу сир уонна Арктика – уларыйа турар кэмҥэ аан дойдуга бииргэ үлэлээһин» 6-с Хотугу пуорум бүгүҥҥүттэн Дьокуускайга үлэтин саҕалаата.
Арассыыйа Арктикатыттан уонна хотугу эрэгийиэннэриттэн, ону тэҥэ Кытайтан, АХШ-тан, Норвегияттан, Камерунтан, Монголияттан, Индияттан, Данияттан уонна Бразилияттан 170-тан тахса бэрэстэбиитэл кыттар диэн пуорум пресс-сулууспата иһитиннэрэр.
Бу улахан норуоттар икки ардыларынааҕы тэрээһин бастакы күнүгэр Арктикаҕа ядернай технологиялары туһаныыга, Азия тымныы эрэгийиэннэригэр ирбэт тоҥ экосистемаларын килиимэтигэр, туругар, Хотугу тиэйиини тэрийиигэ, Саха сирэ уонна Кытай бииргэ үлэлээһиннэригэр уонна Арктикаҕа кэлим сайдыытыгар сыһыаннаах атын сытыы боппуруостарга кэпсэтии ыытыллыаҕа.
Бүгүн «Уһук Илин федеральнай уокуругун геостратегическай территорияларыгар килиимэти бэрээдэктиир кэскиллээх систиэмэлэри үөскэтии» диэн пуорум 2-с сиэссийэтэ үлэлиэҕэ. Хотугу пуорум алта хайысхаҕа болҕомтотун уурар, ол иһигэр: «Хотугу сир уонна Арктика – уларыйа турар аан дойдуга бииргэ үлэлээһин»; «Арктика инфраструктуратын сайыннарыыга бииргэ үлэлээһин»; «Арктика айар салаалара уонна култуурата аан дойду таһымыгар»; «Айылҕа туһатыгар аан дойдутааҕы бииргэ үлэлээһин»; «Төрүт олохтоох нэһилиэнньэлээх пууннар кэскиллээх сайдыылара» уо.д.а. тиэмэлэри ырытыахтара.
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…
Тохсунньу 17-18 күннэригэр Дьокуускайга «Триумф» успуорт уораҕайыгар чэпчэки атлетикаҕа Саха сирин кыһыҥҥы чөмпүйэнээтэ ыытыллыаҕа. Күрэхтэһии…