Бүгүн биир улуус уонна үс нэһилиэк баһылыктарын талыахтара

Бүгүн, ахсынньы 11  күнүгэр, түөрт муниципальнай тэриллиигэ баһылыктары  талыахтара.

Ол курдук,  болдьоҕун иннинэ, баһылыгы талыы быыбара Амма улууһугар, Абый улууһун  Белай Горатыгар,  Чурапчы улууһун Сылаҥыгар, Томпо улууһун Мэҥэ Алданыгар ыытыллар.

Сарсыарда  8 чааска 23  быыбардыыр учаастак үлэтин саҕалаата.

Быыбардыыр бүлүтүөҥҥэ Амма улууһугар  4,  Белай Гора бөһүөлэгэр  3, Мэҥэ Алдаҥҥа  2, Сылаҥҥа  3 хандьыдаат аата киллэриллибит.

Уопсайа  12 хандьыдаат, ол иһигэр  4 киһи кандидатуратын бэйэлэрэ туруоруммуттар,  4  киһи «Биир ньыгыл Арассыыйа» баартыйаттан,  2  ЛДПР, 1 «РОДИНА», 1 «ПЕНСИОНЕРЫ РОССИИ» баартыйалартан.