Бүгүн — Бокуруоп таҥара күнэ

Алтынньы 14 күнэ – Бокуруоп таҥара – кыһыҥҥы дьыл саҕаланыытын күнэ.

Бу күнү өбүгэлэр­бит дьыл кэлиитэ диэн билинэн туран, Дьыл Оҕуһа Муустаах байҕалтан тахсыытын кытта ситимнииллэр.

Алтынньы 14 күнүттэн сааскы Ньу­куолуҥҥа, ыам ыйын 22 күнүгэр, диэри 220 хонук баар.
Дьэ, ону туоруур уустук боппуруос турар, биһиги өбүгэлэрбит ону ааҕан-суоттаан, олох мындырдарын тобулан этэҥҥэ туорууллар этэ.

Бу күн хаардаатаҕына, сэтинньи ый 21 күнүгэр диэри кыһын кэлиитин 40 хонук күүтэллэр. Хотуттан тыалырдаҕына – тымныы кыһын, арҕааттан тыалырдаҕына – сылаас кыһын буолар. Онтон Бокуруоп күн сылаас күн-дьыл турдаҕына тымныы түһэрэ хойутуур, тымныйдаҕына – тымныы эрдэлиир.

Бокуруоп күн өбү­гэлэрбит үгэстэрин тутуһан, сахалыы арыылаах алаадьынан кыстыкка киирбиппитин бэлиэтиири умнумуох тустаахпыт.