Бүгүн быстах ардыыр, түүн хаһыҥ түһэр, хоту хаардыыр

Саха сиригэр бүгүн, ыам ыйын 3 күнүгэр, Анаабыр, Булуҥ, Усуйаана улуустарынан  сөкүүндэҕэ 15-20 м. түргэннээх силлиэ тыалырар. Бу туһунан УГМС саайта иһитиннэрэр.

Бүлүү бөлөх улуустарынан, Уус Маайаҕа, Алдан улууһугар салгын температурата 0,-2° кыраадыс тымныйар, хаһыҥ түһэр. Киин улуустарынан, хотугулуу-илин, Өлүөхүмэҕэ, Алдаҥҥа, Томпоҕо ардыыр,  түүн инчэҕэй хаар түһэр.

Кэбээйигэ, Ленскэйгэ күүстээх самыыр түһэр. Хотугулуу-илин сөкүүндэҕэ 9-14 м. түргэннээх тыаллаах, Арктика улуустарынан сөкүүндэҕэ 15-20 м. түргэннээх тыалырыа.

Салгын температурата түүн +3+8°, хоту 0,+5°, күнүс +14+19°, илин, соҕуруулуу-илин, Халымаҕа +18+23°, арҕаа +10+15°, хоту улуустарынан +5+10° кыраадыс сылаас.

Дьокуускайга түүн +5+7°, күнүс +16+18° кыраадыс сылаас, кыралаан ардыыр, хотугулуу-арҕааттан 3-8 м. түргэннээх тыаллаах.