Бүгүн Дьааҥы куорат аттыгар сир хамсаата

Бүгүн, кулун тутар 27 күнүгэр, сарсыарда Дьааҥы куораттан 62 км тэйиччи сытар сиргэ сир хамсаата.

СИА-ҕа ФИЦ ЕГС РАН иһитиннэрбитинэн, хамсааһын төрдө 15 км дириҥнээх сиргэ буолбут, 4 бааллаах, 3,5 магнитудалаах диэн быһаарбыттар.

Санатан суруйдахха, кулун тутар 23 күнүгэр 18:32 чааска Өлүөхүмэ оройуонугар, Өлүөнэ очуостарыттан чугас сиргэ сир хамсаабыта. Чугастааҕы нэһилиэнньэлээх пууннар олохтоохторо сир хамсаабытын билбиттэр, кырыыһаларыттан хаар түспүтүн бэлиэтээбиттэрэ.