Бүгүн Догдоҥоҕо уонна Моорукка гаас киирдэ

Бүгүн Мэҥэ Хаҥалас улууһун Догдоҥо уонна Моорук нэһилиэктэригэр чоҕунан оттуллан олорбут хочуолунайдар оннуларыгар, аныгы ирдэбилгэ толору эппиэттиир, гаас хочуолунайдар үлэҕэ киирдилэр.

Тэрээһиҥҥэ Саха Өрөспүүбүлүкэтин олох-дьаһах коммунальнай хаһаайыстыбатын генеральнай дириэктэрэ, Ил Түмэн дьокутаата Виталий Чикачев, «СӨ ОДьКХ» судаарыстыбаннай унитарнай тэрилтэ Тутуллар эбийиэктэр дириэксийэлэрин дириэктэрэ Михаил Соловьев кыттыыны ыллылар диэн Мэҥэ Хаҥалас улууһун пресс-сулууспата иһитиннэрэр.

Бу хочуолунайдар дойду Бэрэсидьиэнэ олохтообут коммунальнай инфраструктураны саҥардыы бырагырааматын чэрчитинэнолоххо киирдилэр.

Догдоҥоҕо 1,5 МБ кыамталаах блочнай-модульнай хочуолунай көрүүтэ-истиитэ учаастак начаалынньыгар Роман Морозовка, Моорукка 1,2 МБ кыамталаах хочуолунай күлүүһэ учаастак маастарыгар Еремей Жирковка туттарылынна.

Мэҥэ Хаҥалас улууһун баһылыга Дмитрий Тихонов тыл этэригэр бэлиэ тэрээһиннэргэ нэһилиэнньэ, дьон-сэргэ нус-хас олоҕун хааччыйар тыын суолталаах саҥа хочуолунайдар үйэлээх буоллуннар диэн алыгыһын эттэ.