Түөрт киһини массыына түҥнэри көттө

Бүгүн, Дьокуускай куорат хаба ортотугар, Ленин проспегын уонна Аммосов уулуссатын быһа охсуһуутугар күнүс 13:00 чаас саҕана светофорунан күөх уокка туораан испит 4 киһини массыына түҥнэри көттө.

Суолга куттал суох буолуутун судаарыстыбаннай иниспиэксийэтин үлэһиттэрэ быһаарбыттарынан, Toyota Probox массыынаны ыытан испит 51 саастаах суоппар, кыһыл уокка ааһан, суолу туораан иһэр түөрт сатыы киһини түҥнэри көппүт.

Суһал көмө бөлөҕө кэлэн, үс киһини балыыһаҕа илдьэ барбыт, биир киһи быһылаан буолбут сиригэр хаалбыт.

Быһылаан тахсыбыт сиригэр суолга куттал суох буолуутун судаарыстыбаннай иниспиэксийэтин үлэһиттэрэ үлэлииллэр.