Хаартыска: СИА
1632 сыллаахха Енисей сотнига Петр Бекетов Москваҕа челобитнай суругу ыыппыт: ««Того ж году сентября в 25 день по государеву цареву и великого князя Михайла Федоровича всея Руси указу поставил я с служилыми людьми на Лене реке острог для государева величества». Ол кэмтэн ыла балаҕан ыйын 25 күнэ Саха Өрөспүүбүлүкэтин киин куоратын Дьокуускай куорат официальнай төрөөбүт күнүнэн буолар.
2007 сыллаахха бу күн «Дьокуускай куорат» уокуругун Устаабын 7 ыстатыйатыгар официальнайдык бигэргэтиллибитэ. Куорат күнэ балаҕан ыйын иккис өрөбүлүгэр бэлиэтэнэр буолбута, 2025 сылга ол балаҕан ыйын 14 күнүгэр түбэһэр.
Аныгы Дьокуускай – Уһук Илиҥҥи федеральнай уокурук биир бөдөҥ административнай-политическай, экономическай, култуурунай уонна научнай киинининэн буолар. Сахастат дааннайынан, 2025 сыл тохсунньу 1 күнүнээҕи туругунан Дьокуускай куоракка 390236 киһи олорор, бу Саха сирин бүтүн нэһилиэнньэтин 38,8% ылар. Тэҥнээн көрдөххө: 1937 сыл саҕаланыытыгар өрөспүүбүлүкэҕэ 393200 киһи олорбута.
Куоракка от ыйын 1 күнүнээҕи туругунан, 11086 тэрилтэ баар этэ, олортон бас билии көрүҥүнэн ыллахха: 9544 – чааһынай, 610 – судаарыстыбаннай уонна муниципальнай.
Дьокуускайга 16117 тус урбаанньыт регистрацияламмыт, бу Саха сирин бары ИП-рын 44,1% ылар.
2025 сыл бастакы аҥаарыгар кыра урбаан субъектарын аахсыбакка, тэрилтэлэр үлэһиттэрин орто ахсаана 87727 киһи этэ.
Биирдиилээн атыы эргииирэ (СМП суох) 25829,1 мөл. солк., уопсастыбаннай аһылык эргиирэ – 487,3 мөл. солк. ылар.
Бүгүн, балаҕан ыйын 14 күнэ – Быыбар биир кэлим күнэ. Саха сиригэр 8 чаастан быыбардыыр…
Балаҕан ыйын 13 күнүгэр 04.34 ч. Хаҥалас улууһугар баһаарынай-быыһыыр сулууспаҕа Покровскай куоракка Кыл Бастаах микро-оройуоҥҥа…
Сунтаар улууһугар Кириэстээххэ 528 нүөмэрдээх быыбардыыр учаастак 8.00 ч. үлэтин саҕалаабыта. Хамыыһыйа бэрэссэдээтэлэ Федот Усов.…
Аан дойду үгүс дойдуларын киин куораттарыгар “нулевой килэмиэтир” диэн анал бэлиэ баар буолар. Үксүн маннык…
Бүгүн, балаҕан ыйын 14 күнүгэр, Мииринэйгэ, Ленскэйгэ, Өлүөнэ аллараа тардыытынан ардыаҕа, хайалаах сиргэ, хоту инчэҕэй…
Бүгүн, балаҕан ыйын 14 күнүгэр, Саха сиригэр 8 чаастан Арассыыйа Өрөгөйүн ырыатынан куоластааһын ыытыллар быыбардыыр…