Бүгүн Дьокуускайга аһымал кэнсиэр ыытыллыаҕа

Бүгүн, балаҕан ыйын 8 күнүгэр, Дьокуускайга Комсомольскай болуоссакка 17:00 чаастан аһымал кэнсиэр буолуоҕа. Киириитэ босхо диэн тэрийээччилэр иһитиннэрэллэр.

Кэнсиэр Курскай уобалас олохтоохторугар көмө хомуйар сыаллаах ыытыллар. Гуманитарнай көмөнү хомуйар сирдэр үлэлиэхтэрэ.

Кэнсиэргэ эстрада артыыстара уонна талааннаах мусукааннар кытталлар:

— Павел Семенов;
— Саина;
— Харысхан Мойтохонов;
— «Ночная Смена» бөлөх;
— Миша Рожин;
— «Rose Gold» бөлөх;
— Сайаана Неустроева;
— Лэкиэс уо.д.а.

Бу туһунан Дьокуускай Киин уокуругун управата уонна «Биир ньыгыл Арассыыйа» баартыйа эрэгийиэннээҕи салаата иһитиннэрэллэр.