Бүгүн Дьокуускайга чааһынай дьиэ бүтүннүү уокка былдьанна

Бүгүн, кулун тутар 18 күнүгэр, күнүс Дьокуускайга Белай озеро уулуссатыгар баар чааһынай дьиэ бүтүннүү умайда. Эрэгийиэннээҕи ЫБММ иһитиннэрбитинэн, ким да эчэйбэтэх.

Баһаарынайдар иһитиннэрии киирбитин кэнниттэн 4 мүнүүтэ буолан баран тиийбиттэр. Дьиэ аттыгар турар гарааһы уоттан быыһаабыттар. Билиҥҥитэ буруйдаах уонна баһаар төрүөтэ быһаарыллар.

«Баһаар түмүгэр 42 кв.м. иэн уокка былдьанна. Эчэйбит дьон суох. Дьокуускайдааҕы баһаарынай-быыһыыр этэрээт 19 байыаһа уонна түөрт массыына үлэлээтэ», — диэн ЫБММ иһитиннэрэр.