Салгыы
Бүгүн Дьокуускайга гражданскай пуорум үлэтэ саҕаланна

Бүгүн Дьокуускайга гражданскай пуорум үлэтэ саҕаланна

13.03.2024, 13:52
Хаартыска: ааптар
Бөлөххө киир:

Кулун тутар 13-14 күннэригэр өрөспүүбүлүкэҕэ 12-с гражданскай пуорум ыытыллар.

Бүгүн   гражданскай  пуорум икки күннээх үлэтэ саҕаланна.   Пуорум гражданскай актыбыыстарга  дьоһун суолталаах боппуруостары дьүүллэһэр уонна уопсастыба кыһалҕатын быһаарар суоллары көрдүүр былаһаакканан буолуоҕа.

Быйылгы пуорум  РФ бэрэсидьиэнэ Владимир Путин Арассыыйаҕа   Дьиэ кэргэн, Ил Дархан Айсен Николаев өрөспүүбүлүкэҕэ  биллэрбит  Оҕо саас сылларыгар ананар.

Пуорум сүрүн соругунан бииргэ үлэлээһин эйгэтин тэрийии буолар. Өрөспүүбүлүкэ куораттарыттан уонна улуустарыттан кэлбит дэлэгээссийэлэр бэрэстэбиитэллэрэ  бэйэлэрин санааларын аһаҕастык тириэрдиэхтэрэ уонна Саха сирин инники сайдыытыгар кылааттарын киллэрсиэхтэрэ.

Бүгүн 4 нүөмэрдээх былаһааккаҕа «От десятилетия детства в России к Году детства в РС (Я)» саҕаланна.  Модератор —  Оҕо саас сылын дириэксийэтин салайааччы Антонина Васильевна Яковлева. Пуорум кыттыылаахтарын СӨ үөрэхтээһиҥҥҥэ уонна наукаҕа миниистирин бастакы солбуйааччы Алевтина Петровна Аргунова эҕэрдэлээтэ.

Бырагыраама быһыытынан, икки күн устата  биэс былаһаакка үлэлиир, манна социальнай бырайыактары оҥорорго үөрэтиэхтэрэ, түмүккэ пленарнай мунньах ыытыллыаҕа.

ххх

Руфов Василий Александрович, Уус Алдан улууһун Бороҕон нэһилиэгин Мүрүтээҕи 2-с нүөмэрдээх оскуола дириэктэрин иитэр үлэҕэ солбуйааччы:

-Улууһум дэлэгэссиийэтигэр  хабыллан кэлбиппиттэн олус үөрэбин. Үөрэх эйгэтиттэн 7 буолан кэллибит.  Иитэр үлэҕэ солбуйааччы буоларым быһыытынан, “Грани патриотизма” диэн сиэксийэҕэ кыттыаҕым.  Мин санаабар, маннык гражданскай пуорум ыытыллара саамай сөптөөх. Ыччаты патриоттуу тыыҥҥа иитиигэ үлэ күүскэ барыан наада. Пуорумтан элбэх саҥаны билэн, үлэбитигэр-хамнаспытыгар туһаныахпыт диэн эрэнэбин.

+1
2
+1
0
+1
0
+1
2
+1
0
+1
0
+1
0
Бары сонуннар
Салгыы
22 июня
  • 13°C
  • Ощущается: 12°Влажность: 82% Скорость ветра: 1 м/с

Сообщить об опечатке

Текст, который будет отправлен нашим редакторам: