Бүгүн Дьокуускайга инчэҕэй хаар түһэрэ күүтүллэр

Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар, киин уонна соҕуруулуу-арҕаа улуустарга ардах түһэрэ күүтүллэр диэн УГМС иһитиннэрэр.

Тыаллаах, сорох сиринэн сөкүүндэҕэ 9-14 миэтэрэ түргэннээх, Арктика кытылыгар — сөкүүндэҕэ 16-21 миэтэрэ түргэннээх.

Түүн салгын температурата -2,+3 кыраадыс, хотугулуу-илин, хотугулуу-арҕаа халлаан халыннаҕына -2-7 кыраадыс, күнүс +4+9 кыраадыс, арҕаа, хотугулуу-арҕаа 0,+5 кыраадыс.

Дьокуускайга түүн 0+2°, күнүс +4+6° буолара күүтүллэр. Ардах, инчэҕэй хаар түһэрэ күүтүллэр.