Хаартыскаҕа Василий Прокопьев түһэриилэрэ
Бүгүн, алтынньы 26 күнүгэр, Дьокуускай куорат Комсомольскай болуоссатыгар «Саха сирин балыга» диэн ааттаах үгэс буолбут дьаарбаҥка бүтэһик күнэ ыытыллар.
Куорат олохтоохторо уонна ыалдьыттара эрдэттэн кэтэспит балыктарын уонна да атын олохтоох бородууксуйаны атыылаһар кыахтаннылар.
Дьаарбаҥкаҕа өрөспүүбүлүкэ хотугу оройуоннарыттан 15-тэн тахса балыксыт хаһаайыстыбата кыттар. Кинилэр киэҥ көрүүгэ сибиэһэй балыгы: чыыры, уомулу, муксууну, сыа балыгы, собону уонна да атын балыктары атыыга таһаардылар. Хомойуох иһин, сибиэһэй күндүөбэй балык атыыга суох — муус тура илик буолан бултана илик, онон былырыыҥҥыны кууһунан — 10-12 кг. киилэтигэр 310 солк. атыылыыллар.
Сарсыардаттан саҕалаан болуоссакка дьон-сэргэ тоҕуоруһан, уһун уочараттар үөскээтилэр.
«Бу дьаарбаҥканы сыл аайы кэтэһэбит. Балык олус сибиэһэй, быһа хотуттан кэлэр. Кыстыкка уурунарга кыах биэрэр», — диэн санаатын үллэһиннэ атыылаһааччы Мария Петрова.
Балыктан ураты, атыыга олохтоох оҥорон таһаарааччылартан ынах, сылгы, сибиинньэ этэ, буотарах, харта, фарш, араас полуфабрикаттар (бэлэм астар), ону таһынан быйылгы саҥа мүөт баар. Дьаарбаҥка сарсыарда 10:00 чаастан киэһэ 17:00 чааска диэри үлэлиир.
Сыана, атыылааччылар этэллэринэн, орто. Онон, куорат олохтоохторо, битэмиининэн баай, туһалаах аһылыгынан кыстыкка хааччынарга ыксааҥ.
Дьоллоох олохпутун салҕаан, өссө ордук үчүгэйдик олоруохпут… Алексей Ильич Сосин 1905 сыллаахха Мэҥэ Хаҥалас оройуонугар Моорук…
Куокуйдааҕы "Надежда" иистэнэр уопсастыбаннай холбоһукка оскуолабыт кэлэктиибэ (дир. Петров И.И.) таҥас быһар электрическай быһаҕы бэлэхтээн…
Соторутааҕыта Москваҕа РФ норуоттарын төрөөбүт тылларын учууталларын Бүтүн Арассыыйатааҕы сийиэһэ буолан ааста. СӨ Билимин академиятын…
Бу күннэргэ Үөһээ Бүлүү улууһун дэлэгээссийэтэ байыаннай дьайыы сиригэр, Донецкай, Луганскай, Запорожье, Белгород, Курскай хайысхаларынан…
Киин куоракка кирдээх уу ааһар турбата өрүү бүөлэнэр. Ордук бырааһынньык саҕана, будулҕан тумаҥҥа ханна эрэ…
Бүгүн өрөбүл күн – Күн салайар күнэ. Чаҕылхай, сырдык уонна күүстээх күн. Күн олоххо тапталы,…