Култуура көҕүлээһиннэрин өйүүр бэрэсидьиэн пуондата.
От ыйын 27 күнүгэр Донецкай Норуодунай Өрөспүүбүлүкэҕэ Донбасска сэрии сиэртибэлэрин — Оҕолору кэриэстиир күн аан бастаан бэлиэтэнэр. ДНӨ баһылыга Денис Пушилин от ыйын 11 күнүгэр тустаах уураахха илии баттаабыта.
Бүгүн оҕолору кэриэстиир тэрээһиннэр Донбасска эрэ буолбакка, Арассыыйаҕа эмиэ ыытыллыахтара. Москваҕа сарсыардаттан ДНӨ болуоссатыгар реквием-миитин буолуоҕа. Мустубут дьон сэриигэ суорума суолламмыт оҕолор ааттара суруллубут истиэндэҕэ сибэккилэри, оонньуурдары ууруохтара, халлааҥҥа 130 саарыгы ыытыахтара. Күнүс 3 чаастан Донской манастыырга сырдык тыыннара быстыбыт оҕолор ахсааннарынан роза сибэккилэри олордуохтара.
«Посвящение ангелам. Свидетели правды» бырайыак чэрчитинэн, alleyaangelov.ru саайтка ким баҕарар Донбасска суорума суолламмыт оҕолор кэриэстэригэр чүмэчини уматыан сөп. Саайтка виртуальнай Аанньаллар аллеялара оҥоһуллубут. Бу аллеяҕа оҕолор ааттара суруллубут. Оҕо аатын баттаатахха, кини хаартыската, кылгас олоҕун туһунан дааннайдара арыллаллар.
Маны тэҥэ, саайтка бу оҕолор тустарынан видеонан роликтары көрүөххэ сөп. Бырайыагы Култуура көҕүлээһиннэрин өйүүр бэрэсидьиэн пуондата үбүлээтэ.
Донбасс оҕолорун сырдык кэриэстэригэр 70 тыһыынчаттан тахса виртуальнай чүмэчи умайар. Саайт аадырыһа: https://alleyaangelov.ru.
Бүгүн, муус устар 21 күнүгэр, Саха сирин сорох улуустарыгар +15 кыраадыс буолара күүтүллэр диэн УГМС…
Күн бэҕэһээҥҥэ диэри сүүрэ-көтө, кэпсэтэ-ипсэтэ, мэлдьи солото-бокуойа суох элэстэнэ сылдьыбыт үөлээннээҕим да буолбатар, бэккэ билэр,…
Хаҥалас пиэрмэрэ татаар суруналыыстарыгар күөрчэх ытыйтарда, сыр буһартарда Өҥ сирдээх Хаҥалас улууһун Хоточчутугар Татарстаантан кэлбит…
Өрөспүүбүлүкэ ойуур баһаарын утары охсуһар күүһүн-кыаҕын сыллата улаатыннаран, кэҥэтэн иһэр. Былырыын РФ Бэрэсидьиэнэ Владимир Путин…
Биһиги аҕабыт Иванов Спиридон Дмитрьевич 1917 сыллаахха Арҕаа Хаҥалас улууһугар Өктөм нэhилиэгэр дьадаҥы бааhынай кэргэҥҥэ…
Бүгүн, муус устар 20 күнүгэр, Дьокуускайга Арчы дьиэтигэр уочараттаах Кыайыы Оһуокайа өрө көтөҕүллүүлээхтик ыытылынна. Бу…