Хаалыктаах хаамыы. "Николаев-Киин" хаартыската
Олунньу бүтэһик өрөбүлүгэр Саха Өрөспүүбүлүкэтигэр Доруобуйа национальнай күнэ бэлиэтэнэр. Бу күнү 2000 сыллаахха өрөспүүбүлүкэ бастакы бэрэсидьиэнэ Михаил Николаев хас биирдии дьиэ кэргэҥҥэ, үлэ кэлэктииптэригэр уонна өрөспүүбүлүкэҕэ чөл олоҕу түстүүр туһугар уонна XXI үйэҕэ норуот уйгутун үрдэтиигэ духуобунай, майгы-сигили уонна эт-сиин доруобуйатын бастакы суолталаах оруолун билинэн туран бигэргэппитэ.
Михаил Николаев нэһилиэнньэ доруобуйатыгар, доруобуйа харыстабылын сайдыытыгар уонна чөл олоҕу тутуһарга ураты болҕомтотун уурбута. Тосту уларыйыылаах 1990-с сылларга өрөспүүбүлүкэҕэ биир бастакынан доруобуйа харыстабылын, успуорт эбийиэктэрэ, аан дойду таһымнаах ыарыыны быһаарар киин -– Мэдиссиинэ национальнай киинэ, «Туймаада» стадион уо.д.а. тутуллубуттара.
Судаарыстыбаннай бэлиитикэ сүрүн докумуона -– Чөл олох доктрината. Нуорма-быраап базата, успуорду уонна чөл олоҕу сайыннарарга усулуобуйалар оҥоһуллубуттара. Биир кэлим үлэ түмүгэр төрөөбүт өрөспүүбүлүкэлэрин сайыннарар күүстээх, өйдөөх, доруобай көлүөнэ улааппыта.
Бүгүн, Доруобуйа национальнай күнүгэр, өрөспүүбүлүкэ улуустарыгар уонна куораттарыгар араас дьаһаллар, ол иһигэр оскуолаларга уонна уһуйааннарга «Чөл олох уруоктара», мэдиссиинискэй чинчийиилэр, марафоннар, хаалыктаах хаамыы уо.д.а. ыытыллаллар.
Олунньу 28 күнүгэр Хаҥалас улууһун Өктөм сэлиэнньэтигэр, бастакы бэрэсидьиэн дойдутугар Доруобуйа национальнай күнүгэр уонна Саха сиригэр Доруобуйа уон сылыгар аналлаах «Омук доруобуйата -– хас биирдии киһи эппиэтинэһэ» диэн өрөспүүбүлүкэтээҕи пуорум ыытыллар. Пуорум чэрчитинэн мэдиссиинискэй чинчийиилэр, стратегическай сиэссийэ, маастар-кылаастар, чөл олох уруоктара уо.д.а. буолаллар. Дьаһаллары М.Е.Николаев бибилэтиэкэ-архыыба -– «Николаев-Киин » Саха сирин Доруобуйаҕа харыстабылын министиэристибэтин уонна Уопсастыба доруобуйатын уонна ыарыыны сэрэтии өрөспүүбүлүкэтээҕи киини кытары тэрийэллэр.
«Николаев-Киин» хаартыскалара
Мииринэй оройуонун Таас Үрэх сэлиэнньэтигэр элбэх хайысхалаах култуура киинин тутуу саҕаланна. Манна култуура дьиэтэ, бибилэтиэкэ,…
“Сүүрбэ сыл устата миигин өйөөбүккүтүгэр уонна миэхэ бэриниилээх тапталгыт иһин ис сүрэхтэн махтанабын. Хотторуу да,…
Саха сиригэр суукка устата 10 буруйу оҥоруу бэлиэтэммит. Бу туһунан СӨ Борокуратуурата иһитиннэрдэ. Ол курдук,…
Сотору кэминэн өрүстэр халаанныыр кэмнэрэ кэлиэ. Былырыын халааҥҥа да, ойуур баһаарыгар да федеральнай таһымнаах ыксаллаах…
Бэҕэһээ, муус устар 18 күнүгэр, Нам сэлиэнньэтигэр М.К. Аммосов аатынан култуура уонна духуобунай сайдыы дыбарыаһыгар…
Таатта улууһун Оһуокай түмсүүтүн салайааччыта И.Ф.Иванов тэрээһининэн үһүс сылын ыытыллар Оһуокай күрэҕэ буолла. Күрэҕи СӨ…