Бүгүн — Дьыл оҕуһун иккис муоһа үүннэ

Ахсынньы 21 күнэ – Дьыл оҕуһун иккис муоһа үүнэр.

Бу күнтэн ыла Саха сирин аатырбыт түптэлэс тымныыта түһэр.

Оҕус Муустаах Байҕалтан орто дойдуга таҕыстаҕына тымныы түһэн Дьыл – Кыстык кэмэ саҕаланар буолбут, оттон Байҕалыгар төнүннэҕинэ дьыл бүтэн, илгэлээх итии сайын эргийэр. Ол иһин оҕуһу Дьыл оҕуһа диэн ааттаабыттар. Дьыл Оҕуһа бастаан Байҕалтан тахсарыгар Муоһа өссө да үүнэ илик хомуолай буолар, онтон дьэ муостара сыыйа утуу-субуу үүнэн, орто дойду тымныйан, кыыдааннаах кыһын кэлэр дииллэрэ өбүгэлэрбит.

Тохсунньу 8 күнэ — Оҕус иккис муоһун төбөтө кыланнанар – тымныы муҥутуур.

Тохсунньу 31 күнэ – Оҕус муостарын төбөтүн кылаана кыларыйар – тымныы уоҕа уҕарыйар.

Олунььу 12 күнэ – Эһээ Дьыл оҕуһун бастакы муоһа түһэр – тымныы биллэ намырайар.

Олунньу 24 күнэ – Дьыл Оҕуһун иккис муоһа түһэр – кыһыҥҥы тымныы кэм бүтэр.