Бүгүн Егор Борисов 70 сааһын туолла

Егор Борисов өрөспүүбүлүкэ былааһыгар 1991 сылга, Сэбиэскэй Сойуус ыһыллар кэмигэр кэлбитэ уонна Саха сирин салалтатыгар, быстах тохтооһуннары аахсыбатахха, 2018 сылга диэри үлэлээбитэ. Кини быйыл атырдьах ыйын 15 күнүгэр 70 сааһын туолла.

Бу күн Саха сирин Национальнай бибилэтиэкэтигэр Егор Борисов олоҕун уонна үлэтин туһунан быыстапка аһылынна, ону тэҥэ кини научнай үлэлэрэ көрүүгэ турдулар. Быыстапка Егор Борисов 70 сыллаах үбүлүөйүгэр — аныгы өрөспүүбүлүкэ биир биллэр бэлиитигэр ананар.

Егор Афанасьевич Борисов 1954 сыллаахха атырдьах ыйын 15 күнүгэр Саха АССР Чурапчы оройуонун Чурапчы сэлиэнньэтигэр төрөөбүтэ. Новосибирскайдааҕы тыа хаһаайыстыбатын институтун «инженер-механик» идэтин бүтэрэн баран, судаарыстыбаннай управление уобаластарыгар боччумнаах ситиһиилэри аҕалбыт карьератын саҕалаабыта диэн бибилэтиэкэ пресс-сулууспатыгар иһитиннэрдилэр.

Араас сылларга Егор Борисов өрөспүүбүлүкэ салалтатыгар араас дуоһунаска үлэлээбитэ, 2010 сылтан 2018 сылга диэри Саха сирин Бэрэсидьиэнэ уонна Баһылыга этэ. 2018 сыл балаҕан ыйыттан Российскай Федерация Федеральнай Мунньаҕын  Сэбиэтин чилиэнэ.