Бүгүн Өймөкөөҥҥө -52 кыраадыс тымныы бэлиэтэннэ

Халлааммыт тымныйан, бүгүн, ахсынньы 3 күнүгэр, сарсыарда 9 чааска Өймөкөөҥҥө -52 кыраадыс тымныы бэлиэтэннэ.

«Якутское УГМС» ФГБУ иһитиннэрбитинэн, бүгүн сарсыарда -49°С тымныы Батамайга, Бэрдьигэстээххэ, Ытык Күөлгэ, Бэстээхтээҕи Зверофермаҕа, -48°С тымныы Хабардино метеостанциятыгар,  -47°С тымныы Намҥа,  Уус Муомаҕа, -46°С тымныы  Баатаҕайга, Чурапчыга, Ньурбаҕа, Кириэс Халдьаайыга, Дьилиҥдэҕэ, -45°С  Эдьигээҥҥэ, Верхоянскайга, Уус Ньараҕа баар метеостанцияларга бэлиэтэммит.

Бүгүн Арктика кытылынан сөкүүндэҕэ 9-14 м, сорох сиринэн  15-18 м түргэннээх тыал, буурҕа түһэрэ күүтүллэр.

Салгын температурата күнүс  -35-40°, хоту -41-46°С, арҕаа, соҕуруу өттүгэр  -17-22°С тымныы буолара күүтүллэр.