Бүгүн Элгээйи оскуолатын үөрэнээччитэ «НТВ» телеханаалга көстүөҕэ

Бүгүн, балаҕан ыйын 7 күнүгэр, НТВ телеханаал  “Чудо” биэриитигэр Сунтаар улууһун Элгээйи орто оскуолатын үөрэнээччитэ, 11 саастаах Никита Никитин көстүөҕэ.

Никита көтөр араас саҥатын үтүктэр видеота элбэхтик социальнай ситимнэргэ тарҕаммыта. Никита  орнитолог идэтин баһылыыр санаалаах. Аан бастаан Никита суор саҥатын үтүктэртэн саҕалаан көтөрдөрү кэтээн көрүүнэн умсугуйан барбыт. Билигин уолчаан Айылҕа түмэлин орнитолог үөрэҕин уһуйуллааччыта, олус элбэх көтөр саҥатын бу баардыы үтүктэн соһутар да, сөхтөрөр да айылҕаттан ураты дьоҕурдаах ыччат.

Никита Никитин кыттыылаах “Чудо” биэрии  бүгүн киэһээ 19 чаастан  көстүөҕэ.