Кэлин оҕону үлэнэн иитии, урукку курдук үлэ, сынньалаҥ лааҕырдарын тэрийиэххэ диэн элбэх киһи этэр. Дойду таһымыгар хамсааһын баран эрэр. Үөрэх үлэһиттэрин тохсунньутааҕы мунньаҕын иитинэн бүгүн ИТ-паарка “Точка кипения” былаһааккатыгар “Үлэнэн иитии: саҥа көрүү” диэн “төгүрүк остуол” буолан ааста.
Кэпсэтиигэ өрөспүүбүлүкэ оскуолара, эбии үөрэхтээһин тэрилтэлэрэ кытыннылар. Ил Түмэн билимҥэ, үөрэххэ сис кэмитиэтин бэрэссэдээтэлэ Антонина Григорьева салайан ыытта.
Таатта улууһун Чычымах оскуолата бэйэтин уопутун үллэһиннэ. Ол курдук, агро хайысхалаах оскуола аатын 2012 сылтан сүгэр. Былырыын оскуола өрөспүүбүлүкэтээҕи куонкуруска бастаабыт. Үлэҕэ иитии баазатыгар кылаастары таһынан оҕуруот сирдээх, кирээдэлэрдээх, тэпилииссэлэрдээх оскуола учаастага, уһун сылга түүлэһиигэ оттуур сирдээх, бас билэр хортуоппуй сирдээх, “Унньуулалаах” стационарнай лааҕырдаах, арендаҕа хотонноох, 18 төбө сүөһүлээх, гараастаах, тиэхиньикэлээх, “Кедр” пилорамалаах эбит. Оҕуруот аһын, хортуоппуйу үүннэриинэн, сүөһү көрүүтүнэн дьарыктаналлар.
Чурапчы улууһун Дириҥ оскуолата өрөспүүбүлүкэҕэ киэҥник биллэр, тарбахха баттанар оскуола. Оскуола дириэктэрэ Михаил Игнатьев: “Үлэнэн иитиигэ биһиги сылы эргиччи үлэлии олоробут. Сайынын оҕону хабыыга улахан сорук турар. Билигин ыстатыыстыканы көрдөхпүнэ өрөспүүбүлүкэҕэ 521 лааҕыртан 7% эрэ үлэ лааҕыра”, — диэн бэлиэтиир. Урукку кэмҥэ лааҕыр боппуруоһа күүскэ турар буоллаҕына, билигин оскуола, нэһилиэк — бэйэтин күүһүнэн диэн этэр. Стационарнай лааҕыр арыйар сүрдээх уустугун ыйар. Улуус үбүнэн көмөлөһөр (дотация) эрээри, өрөмүөҥҥэ үп-харчы кырыымчыгын бэлиэтиир.
«Төгүрүк остуолга» мустубут дьон хас даҕаны кэккэ боппуруостарга тохтоон аастылар. Ол курдук, сүрүннээн үбүлээһин, лааҕыры аһыы ымпыгар-чымпыгар, сокуонуон өттүгэр, уо.д.а. тохтоотулар.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…