Бүгүн өрөспүүбүлүкэҕэ Үлэ сылын бастыҥнарын чиэстээтилэр

Бүгүн өрөспүүбүлүкэҕэ Үлэ сылын бастыҥнарын чиэстээтилэр

24.01.2024, 20:50
Хаартыска: М.Васильева (СИА)
Бөлөххө киир:

Бүгүн  Саха Өрөспүүбүлүкэтигэр Үлэ сыла түмүктэнэн,  Оҕо саас сыла аһыллыбытынан биллэрилиннэ.

РФ бэрэсидьиэнэ  Владимир Путин  биллэрбит Дьиэ кэргэн сыла Арассыыйа Федерациятыгар бэҕэһээ «Родные – Любимые» пуорум чэрчитинэн «Арассыыйа» быыстапка-пуорумҥа аһылынна. 89 эрэгийиэн кыттыылаах улахан тэрээһиҥҥэ Чурапчы улууһуттан Новгородовтар дьиэ кэргэттэрэ кытыннылар.

Бүгүҥҥү  үөрүүлээх түгэҥҥэ, бастатан туран, Саха сиригэр Үлэ сылын түмүктэрин биллэрдилэр уонна дьиэ кэргэни, оҕо-аймаҕы өйүүргэ былааннары билиһиннэрдилэр.
Бу үөрүүлээх түгэнинэн СӨ бырабыыталыстыбатын бэрэссэдээтэлин солбуйааччы Георгий Степанов эҕэрдэлээн: «Биһиги оробуочай идэлэргэ куонкурустары ыыппыппыт. Маннык куонкурустар кыайыылаахтара федеральнай таһымҥа тахсыбыттарыттан үөрэбин. Холобур, «Үлэ киһитэ» бириэмийэ бастакы лауреата, Дьокуускай куорат килиниичэскэй балыыһатын сүрүн медбрата Алквиад Иванов доруобуйа харыстабылын үлэһиттэрин Бүтүн Арассыыйатааҕы куонкурустарыгар «Идэҕэ бэриниитин» иһин номинацияҕа кыайбыта», — диэн өрөспүүбүлүкэҕэ Үлэ сылын сүрүн түмүгүнэн үлэ киһитин сыаналааһын буоларын бэлиэтээтэ.

Үлэ сылыгар оробуочай идэлээх исписэлиистэргэ үгүс куонкурус ыытыллыбыта, бу күн кинилэртэн кыайыылаахтары үрдүк сыанаттан эҕэрдэлээтилэр.

.Өрөспүүбүлүкэҕэ Үлэ сылын тэрээһиннээхтик ыыппыт муниципальнай оройуоннары, куораттааҕы уокуруктары наҕараадалаатылар.

Бастакы миэстэни Мииринэй, иккиһи Алдан, үсүһү Амма улуустара ыллылар.

Онтон бас билии бары көрүҥүн тэрилтэлэриттэн бастакы миэстэни Офтальмология өрөспүүбүлүкүтээҕи килиниичэскэй балыыһата, иккиһи М.Николаев аатынан Мэдиссиинэ национальнай киинэ, үсүһү килиэби оҥорор Дьокуускайдааҕы кэмбинээт ыллылар.

Ону сэргэ, «Арассыыйа үрдүк социальнай көдьүүстээх тэрилтэтэ» Бүтүн Арассыыйатааҕы куонкурус эрэгийиэннээҕи түһүмэҕин уонна «Үлэ харыстабылын бастыҥ исписэлииһэ» өрөспүүбүлүкэтээҕи куонкурус түмүктэрин биллэрдилэр. Саха Өрөспүүбүлүкэтигэр судаарыстыбаннай уонна муниципальнай өҥөлөрү оҥорор элбэх хайысхалаах киин икки номинацияҕа кыайыылаах таҕыста.

Үлэ сылын түмүктүүр киэһэҕэ байыаннай эпэрээссийэ кыттыылааҕа, «Хорсунун иһин» уордьан кавалера, СӨ үөрэҕириитин систиэмэтин туйгуна Николай Семенов эҕэрдэ тылын эҕэрдэлээтэ.
 Георгий Степанов бэлиэтээн эппитинэн, дьиэ кэргэн сүрүн сыаннастарын уонна үгэстэрин харыстыахтаахпыт, кинилэр дойду сайдыытын сүрүн хамсатааччыларынан буолаллар.
Арассыыйаҕа Дьиэ кэргэн сыла биллэриллибитинэн, РФ Федеральнай мунньаҕын Судаарыстыбаннай Думатын бэрэссэдээтэлин солбуйааччы Анна Кузнецова видео-сибээһинэн Саха сирин олохтоохторун эҕэрдэлээтэ.

СӨ үлэҕэ уонна социальнай сайдыыга миниистирэ Елена Волкова Оҕо саас сылын бэлиэтин Саха Өрөспүүбүлүкэтин үөрэхтээһиҥҥэ уонна наукаҕа миниистирэ Нюргуна Соколоваҕа үөрүүлээх быһыыга-майгыга  туттарда.

«Дьиэ кэргэн сылыгар биһиги сүрүн сорукпутунан дьиэ кэргэн, ийэ уонна аҕа буолуу институтун суолтатын үрдэтэргэ, дьоллоох оҕо сааска усулуобуйаны тэрийэргэ болҕомтобутун ууруу буолар», — диэтэ Елена Волкова.

Оҕо саас сылын арыйыы тэрээһинигэр элбэх оҕолоох уонна оҕо иитэр ыаллар, үлэһит ыал бэрэстэбиитэллэрэ кытыннылар.

+1
1
+1
0
+1
1
+1
0
+1
0
+1
0
+1
0
Бары сонуннар
Салгыы
16 июня
  • 24°C
  • Ощущается: 24°Влажность: 41% Скорость ветра: 4 м/с

Сообщить об опечатке

Текст, который будет отправлен нашим редакторам: