Хаартыска: СИА, Спорт Якутии, социальнай ситим.
Бүгүн Парижка Олимпиада көбүөрүгэр Саха сирин тустууга оскуолатын үс иитиллээччитэ Виктор Рассадин, Айаал Лазарев уонна Георгий Окороков тахсыахтара.
Бары араас түһүмэххэ киирсиэхтэрэ диэн СИА суруйар.
Дьокуускай бириэмэтинэн киэһэ 18 чаастан ыарахан ыйааһыҥҥа Айаал Лазарев (125 кг) уоскутар киирсиигэ (“утешительные поединки”) тустуоҕа. Кини утарсааччытынан финалга боруонса иһин тахсар туһугар Канадаттан сылдьар Панамериканскай чөмпүйэнээт кыайыылааҕа Амар Дхеси буолар. Оттон манна кыайыылаах, үһүс миэстэ иһин Олимпиада кыһыл уонна боруонса мэтээллэрин хаһаайынын, аан дойду үс төгүллээх, Европа уон төгүллээх чөмпүйүөнэ Турцияттан Таха Акгюли кытта тустуоҕа.
Бу кэнниттэн тута Олимпиадаҕа аан маҥнайгытын кыттар Георгий Окороков (65 кг) тахсыаҕа. Сэрэбиэй быһыытынан, кини утарсааччытынан 2023 сыллааҕы аан дойду вице-чөмпүйүөнэ, Панамериканскай чөмпүйэнээт икки төгүллээх призера, АХШ сылдьар, Пуэро-Рикоттан кыттар Себастьян Ривера буолуоҕа.
Бу түүн (Саха сирин бириэмэтинэн 01:00 ч.) боруонса мэтээл иһин Виктор Рассадин (74 кг) тустуоҕа. Үс хандьыдааттан кини утарсааччыта ким буолара “утешиловка” кэнниттэн биллиэҕэ.
Бу туһунан СИА суруйар.
Сииттэҕэ "Үтүө санаа харыйата" сылын аайы ыытыллар. Кэнники кэмнэ олохтоохтор олус көхтөөхтүк кыттар буоллулар. Киирбит…
Бэрдьигэстээххэ 2025 сылы түмүктүүр "Бастыҥнар түһүлгэлэрэ" тэрээһин үрдүк таһымнаахтык буолан ааста. Үрдүктэн үрдүгү баһылааһын, сулустарга…
2026 сыл Уот кыһыл ат сыла буоларынан уонна улууспутугар ыытыллар Олонхо сылынан Сииттэ олохтоохторугар ураты,…
Бүгүн Үөһээ Бүлүүттэн ааҕааччыбыт, элбэх ырыа куонкуруһун кыайыылааҕа, ырыаһыт Ариан Федоров үүнэр 2026 сылы көрсө…
Саҥа дьыл кэнниттэн сорохторго өссө биир уоппуска кэмэ наадатын курдук буолар. Тоҕо диэтэххэ, урукку тэтимнэригэр…
Аҕыйах оҕону бэлэмнээн, хаар түспүтүн кэннэ сыарҕалаах ат булан, пиэримэҕэ кэнсиэрдии барабыт. Миигин бэлэмнээн биллэрээччи…